Nuhe Na Yin Didọ Gando Linlinnamẹwe lẹ Go

Atọ̀họ̀-nuhihọ́ lọ Tọn Juillet-Septembre

“Taidi gbẹtọvi mapenọ, mímẹpo wẹ nọ diọlinlẹn to whedelẹnu. Di apajlẹ, e sọgan vẹna mí to whenuena mí mọdọ mí ṣì nude wà. Ṣigba, Biblu dọ dọ Jehovah lọsu sọgan diọlinlẹn. Aliho tẹ mẹ wẹ onú nọ vẹna Jiwheyẹwhe bọ e nọ diọlinlẹn te? [Jotẹnna gblọndo. Enẹgodo hia Whẹdatọ 2:11, 18.] Hosọ ehe dọhodo gblọndo Biblu tọn na kanbiọ enẹ ji.” Ze hosọ he tin to weda 13tọ ji donukọnnamẹ.

***

Hia Job 14:1. Enẹgodo dọmọ: “Mẹsusu wẹ yigbe dọ hogbe Biblu tọn ehelẹ yin nugbo. Be hiẹ yise dọ gbẹtọvi lẹ na nọgbẹ̀ matin yajiji to gbèdopo ya? [Jotẹnna gblọndo] Linlinnamẹwe ehe do nuhewutu mí nọ jiya po afọdide voovo he Mẹdatọ lọ ko ze nado whlẹn mí sọn yajiji si lẹ po hia.” Ze hosọ he bẹsọn weda 4tọ ji donukọnnamẹ.

Réveillez-vous! Septembre

Hia Matiu 5:39. Enẹgodo dọ dọ: “Be hiẹ lẹndọ nuhe dọ Jesu te wẹ yindọ mí na nọ duadi do homẹ to whenue mẹde hẹn mí nado gblehomẹ wẹ ya? [Jotẹnna gblọndo.] Hosọ ehe do nuhe Biblu dọ gando avùnlọyiyi na mẹdetiti po hihọ́ he sọgbe hẹ osẹ́n dindin po go hia.” Ze hosọ he bẹsọn weda 10tọ ji donukọnnamẹ.

Réveillez-vous! Octobre

“Mí nọ saba sèhó gando gbẹtọ lẹ go he nọ pehẹ nuyiwa nugbonọ-mayin tọn sọn alọwlemẹ yetọn, tonudọtọ lẹ, po mẹdevo lẹ po dè. Be hiẹ lẹndọ e ko lẹzun nuhe vẹawu todin nado mọ gbẹtọ he go yè sọgan dejido lẹ ya? [Jotẹnna gblọndo.] Mẹsusu lẹndọ wefọ ehe to hẹndi mọyi. [Hia 2 Timoti 3:1-5.] Linlinnamẹwe ehe basi zẹẹmẹ fie gbẹtọ he go yè sọgan dejido lẹ gbẹ́ sọgan yin mimọ te tọn.”