Lehe Alọdowemẹwe lọ Veuillez suivre l’intérêt (S-43) Dona Yin Yiyizan Do
Mí dona nọ kanwe gọ́ alọdowemẹwe ehe to whenue mí mọ jlodotọ de he ma nọ nọ̀ aigba-denamẹ mítọn ji kavi he nọ do jonọgbè de. Dile etlẹ yindọ to ojlẹ de mẹ wayi mí nọ yí i zan eyin mí dukosọ hẹ mẹhe nọ do jonọgbè lẹ vlavo yé tindo ojlo kavi lala, mẹhe do ojlo hia lẹ kẹdẹ wẹ mí nọ yí i zan na todin, adavo yé yin tókunọ. Eyin mí dukosọ hẹ tókunọ de bọ e ma tlẹ tindo ojlo, mí dona kanwe gọ́ alọdowemẹwe S-43 lọ.
Etẹwẹ mí dona wà to whenue mí kanwe gọ́ alọdowemẹwe lọ godo? Mí dona ze e na wekantọ agun mítọn tọn. Eyin ewọ yọ́n agun he alọdowemẹwe lọ dona yin didohlan, e sọgan do e hlan mẹho agun lọ tọn lẹ na yé nido sọgan gọalọna mẹhe do ojlo hia lọ. Eyin ewọ ma yọ́n agun lọ, e na do e hlan wekantẹn alahọ tọn.
Eyin mẹhe do ojlo hia lọ nọ do jonọgbè bo tin to aigba-denamẹ mìtọn ji, mì sọgan zindonukọn to gọyìpọn bibasina ẹn mẹ nado doafọna ojlo lọ kakajẹ whenue wẹnlatọ agun he nọ do jonọgbè enẹ tọn de nido jẹ didla ẹ pọ́n ji.—Pọ́n Lizọnyizọn Ahọluduta Tọn Mítọn novembre 2009, weda 4.