Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Juin Tọn

“Linlẹn voovo wẹ gbẹtọ lẹ tindo gando Jesu go. Be hiẹ nọ pọ́n ẹn hlan taidi ovi Jiwheyẹwhe tọn wẹ ya kavi taidi dawe dagbe de poun? [Jotẹnna gblọndo.] Enẹgodo, hia bo dọhodo nudọnamẹ he tin to hóvila tintan glọ to weda 22 Atọ̀họ̀-Nuhihọ́ lọ Tọn avril-juin tọn mẹ po dopo to wefọ he yin dide lẹ mẹ po ji.” Ze linlinnamẹwe lọ donukọnnamẹ bo basi tito nado lẹkọyi nado gbadopọnna gblọndo kanbiọ awetọ tọn.

Atọ̀họ̀-Nuhihọ́ lọ Tọn Avril-Juin

“Aihọn lọ gọ́ na walọ gblezọn he nọ yinuwado jọja lẹ ji taun. Ṣigba, be hiẹ lẹndọ ovi lẹ ṣiṣọ́ wẹ na gọalọna mẹjitọ lẹ nado basi-hihọ́na yé ya? [Jotẹnna gblọndo. Enẹgodo hia Howhinwhẹn lẹ 22: 6.] Hosọ he bẹsọn weda 18tọ ji do lehe mẹjitọ lẹ sọgan basi-hihọ́na ovi yetọn lẹ bo do nujinọtedo walọ dagbe tọn lẹ do ahun yetọn mẹ do hia.”

Réveillez-vous! Juin

“Nuyiwa nukunbianamẹtọ lẹ tọn ko lẹzun nuhahun de lẹdo aihọn pé. Etẹwẹ hiẹ lẹndọ e yin adọ̀ nuhahun enẹ tọn? [Jotẹnna gblọndo.] Hogbe Biblu tọn ehelẹ na mí todido. [Hia Psalm 72:7, 14.] Linlinnamẹwe ehe basi zẹẹmẹ do delẹ to nuhewutu nukunbianamẹ do tin lẹ mẹ ji bo do nuhe Biblu dọ gando lehe po whenue nukunbianamẹ na wá opodo do po go hia.”