Nuzedonukọnnamẹ Lẹ
Nado Bẹ Plọnmẹ Biblu lẹ Jẹeji to Sibigbe Tintan Osun Juin Tọn
“Mẹsusu wẹ yọnẹn dọ Lẹgba wẹ to godona nuylankan he to jijọ to aihọn lọ mẹ lẹ. Ṣigba, yé nọ kanse yede dọ: ‘Nawẹ angẹli enẹ wá lẹzun Lẹgba gbọn?’ Etẹwẹ mì lẹn? Jotẹnna gblọndo. Mì pọ́n nuhe linlinnamẹwe ehe dọ tofi.” Do hosọ he tin to wepa godo tọn Atọ̀họ̀-Nuhihọ́ lọ Tọn avril-juin tọn ji hia whétọ lọ bo gbadopọnna hukan awetọ to hóvila awetọ glọ po dopo to wefọ he yin dide lẹ mẹ po. Ze linlinnamẹwe lọ lẹ donukọnna ẹn.
Ayidonugo: Wadohia nuzedonukọnnamẹ ehe tọn dona yin bibasi to opli sinsẹ̀nzọn kunnudegbe tọn whenu to 1er juin.
Atọ̀họ̀-Nuhihọ́ lọ Tọn Avril-Juin
“Lẹ́ do aihọn pé, mẹjitọ he tindo ovi he yin jiji po oblọ agbasa tọn de po lẹ nọ kanse yede dọ, ‘Be n’na penugo nado plọn ovi ehe whẹ́n po kọdetọn dagbe po ya?’ Etẹwẹ mì lẹn? [Jotẹnna gblọndo.] Mẹjitọ delẹ ko pehẹ nuhahun dopolọ po kọdetọn dagbe po. Mì pọ́n dopo to nuhe gọalọna yé lẹ mẹ. [Hia Psalm 145:18.] Linlinnamẹwe ehe dọhodo nuhahun atọ̀n he mẹjitọ mọnkọtọn lẹ sọgan pehẹ lẹ ji gọna lehe Biblu sọgan gọalọna yé nado duto nuhahun enẹlẹ ji do.” Ze hosọ he tin weda 10tọ ji donukọnna whétọ lọ.
Réveillez-vous! Juin
“Mí jlo na kàn linlẹn mìtọn sè gando whẹho de go. Jọwamọnu wẹ e yin nado jlo gbẹzan dagbe de. Ṣigba, be mì lẹndọ agbasanu lẹ bibẹpli wẹ nọ hẹn gbẹzan pọnte dogọ ya? [Jotẹnna gblọndo.] Mì doayi nuplọnmẹ titengbe Jesu tọn de go tofi. [Hia Luku 12:15.] Linlinnamẹwe ehe donù pọndohlan jlẹkaji tọn he mí dona tindo gando agbasanu lẹ go bo na ayinamẹ yọ́n-na-yizan lẹ ma nado ṣì akuẹ zan.”