Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Juin Tọn

“Mí wá dla mì pọ́n kleun nado dọho hẹ mì do kanbiọ he hẹnmẹ lẹnnupọn de ji. [Do kanbiọ awetọ he tin to wepa godo tọn Atọ̀họ̀-Nuhihọ́ lọ Tọn avril-juin tọn ji hia whétọ lọ.] Etẹwẹ mì lẹn?” Jotẹnna gblọndo. Gbadopọnna nudọnamẹ he tin to kanbiọ awetọ lọ glọ po dopo to wefọ he yin dide lẹ mẹ po hẹ whétọ lọ. Ze linlinnamẹwe lọ lẹ donukọnna ẹn bo basi tito nado lẹkọwa nado dọhodo hosọ devo ji.

Atọ̀họ̀-Nuhihọ́ lọ Tọn Avril-Juin

“To egbehe, susu mítọn wẹ nọ jiya whẹdida mawadodo tọn. Amọ́, be mì lẹndọ mẹhe nọ hẹn whẹdida mawadodo wá mí ji lẹ na dù dọ̀n wẹ ya? [Jotẹnna gblọndo. Enẹgodo hia Psalm 37:10, 11.] Hosọ ehe gọalọna mí nado yọ́n lehe mí sọgan nọ doakọnna ninọmẹ mawadodo tọn lẹ do.” Ze hosọ he bẹsọn weda 12tọ ji donukọnnamẹ.

Réveillez-vous! Juin

“Gbẹdido Intẹnẹt ji tọn lẹ ko hẹn yọnbasi na gbẹtọ lẹ hugan gbede pọ́n nado jihọntọn hẹ mẹsusu he yé ma tlẹ yọnẹn pọ́n lẹ. Na mìwlẹ tọn, etẹwẹ yin onú titengbe hugan he yè do nọ yọ́n họntọn nujọnu tọn de? [Jotẹnna gblọndo.] Dopo to ayinamẹ yọ́n-na-yizan he Biblu na gando họntọnjiji go lẹ mẹ die. [Hia Jakọbu 1:19.] Linlinnamẹwe ehe zinnudo nunọwhinnusẹ́n titengbe ẹnẹ delẹ ji he sọgan gọalọna mí nado yin mẹhe nkọ mẹdevo lẹ na jlo nado jihọntọn hẹ.”