Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Mars Tọn

“Be hiẹ lẹndọ mẹhe nọ dovivẹnu nado setonuna Jiwheyẹwhe lẹ nọ tindo ayajẹ ya? [Jotẹnna gblọndo.] Hosọ ehe dọhodo onú he fọnjlodotenamẹ delẹ ji.” Ze vọkan Atọ̀họ̀-Nuhihọ́ lọ Tọn janvier-mars 2012 tọn dopo na whétọ lọ, enẹgodo hia bo dọhodo nudọnamẹ he tin to dopo to hóvila he tin to weda 10-11 ji lẹ mẹ hẹ ẹ. E whè gbau, hia dopo to wefọ he yin dide lẹ mẹ. Ze linlinnamẹwe lọ lẹ donukọnnamẹ bo basi tito nado lẹkọwa nado gbadopọnna gblọndo kanbiọ he bọdego tọn.

Atọ̀họ̀-Nuhihọ́ lọ Tọn Janvier-Mars

“Be hiẹ ko kanse dewe pọ́n nuhewutu nugbajẹmẹji lẹ do sù sọmọ to agọe ya?” [Jotẹnna gblọndo.] Na nugbo tọn, Biblu dohia dọ ojlẹ de na tin bọ nugbajẹmẹji lẹ na gbayipe. [Hia Matiu 24:7, 8.] Linlinnamẹwe ehe na gblọndo kanbiọ ehelẹ tọn: Naegbọn nugbajẹmẹji lẹ do sù sọmọ to egbehe? Be yasana de wẹ yé yin sọn Jiwheyẹwhe dè ya? Etẹwutu mí sọgan yise dọ Jiwheyẹwhe na doalọtena nugbajẹmẹji lẹ to madẹnmẹ?”

Réveillez-vous! Mars

“Mí to hodọ hẹ kọmẹnu mítọn lẹ do nude he nọ dotukla mẹsusu ji. To egbehe, e taidi dọ mẹsusu dogọ nọ yawu gblehomẹ. Etẹwẹ a lẹndọ e sọgan ko zọ́n? [Jotẹnna gblọndo.] Pọ́n nuhe Biblu dọ gando homẹgble go tofi. [Hia Psalm 37:8.] Linlinnamẹwe ehe dọhodo delẹ to nuhe zọ́n bọ mẹsusu nọ yawu gblehomẹ to egbehe lẹ mẹ po lehe mí sọgan dava homẹgble mítọn do po ji.”