Kunnudetọ Jehovah Tọn lẹ Nọ Do Yise Yetọn Hia, Apá 2: Gbọ Hinhọ́n Ni Họnwun — WESẸDOTẸN INTẸNẸT JI TỌN Watchtower Tọn

Kunnudetọ Jehovah Tọn lẹ Nọ Do Yise Yetọn Hia, Apá 2: Gbọ Hinhọ́n Ni Họnwun

To whenue Mẹmẹsunnu Rutherford po gbẹdohẹmẹtọ etọn lẹ po yin tuntundote sọn gànpamẹ to 1919 godo, azọ́n pligidi de tin to nukọn na Biblu Plọntọ lẹ nado wà. Ṣigba, dile e yin didohia to video lọ Les Témoins de Jéhovah—la foi en action, 2^e partie: Que brille la lumière [Kunnudetọ Jehovah Tọn lẹ Nọ Do Yise Yetọn Hia, Apá 2: Gbọ Hinhọ́n Ni Họnwun] mẹ do, mẹsusu na diọnukunsọ Biblu Plọntọ lẹ, nukunnumọjẹnumẹ Owe-wiwe tọn yetọn na to jijideji, podọ yise yetọn na yin hinhẹn lodo. (Howh. 4:18; Mal. 3:1-3; Joh. 15:20) To video lọ pinpọn godo, be hiẹ sọgan na gblọndo kanbiọ ehelẹ tọn ya?

(1) Aliho voovo tẹlẹ wẹ Biblu Plọntọ lẹ yizan nado hẹn wẹndagbe lọ gbayipe? (2) Nulila tẹlẹ wẹ yin bibasi to plidopọ ayidego tọn he wá aimẹ to 1931 po 1935 po whenu? (3) Whẹho titengbe tẹ ji wẹ zinjẹgbonu Atọ̀họ̀-Nuhihọ́ lọ Tọn [Glẹnsigbe] 1^er novembre 1939 tọn dọhodo? (4) Etẹwẹ jọ to Madison Square Garden to whenue Mẹmẹsunnu Rutherford to hodidọ lọ he hosọ etọn yin “Gandudu po Jijọho Po” na. (5) Naegbọn hodidọ Mẹmẹsunnu Knorr tọn he hosọ etọn yin “Jijọho—Be E Sọgan Dẹn-to-Aimẹ Ya?” do jẹna ayidego? (6) To 1942, tito tẹlẹ wẹ Kunnudetọ Jehovah tọn lẹ basi nado sọgan gbloada na azọ́n yẹwhehodidọ tọn yetọn? (7) Basi zẹẹmẹ whẹho he yin zize yì owhẹ̀ nukọn to États-Unis, Canada po Grèce po delẹ tọn. (8) Nawẹ Wehọmẹ Giliadi tọn yidogọna nukọnyiyi azọ́n yẹwhehodidọ tọn lọ tọn gbọn? (9) Azọ́n titengbe tẹwẹ bẹjẹeji to 1946, podọ etẹwutu? (10) Afọdide tẹlẹ wẹ Kunnudetọ Jehovah tọn lẹ ze nado hẹn ẹn diun dọ walọyizan yetọn tin to kọndopọ mẹ hẹ nujinọtedo Biblu tọn lẹ? (11) Etẹwẹ yin delẹ to diọdo he yin bibasi to 1970 lẹ gblamẹ nado hẹn ẹn diun dọ titobasinanu lọ to nujinọtedo Biblu tọn lẹ hodo pẹkipẹki lẹ mẹ? (12) Nawẹ video ehe pinpọn gọalọna we nado mọnukunnujẹemẹ dọ Jehovah to anadena nulẹ to gigọ́ mẹ bosọ to anadena titobasinanu ehe gbọn? (13) Nawẹ video ehe yidogọna gbemima towe nado to wẹndagbe lọ lá zọnmii po zohunhun po mahopọnna aliglọnnamẹnu lẹ gbọn? (14) Nawẹ mí sọgan yí video ehe zan nado gọalọna hẹnnumẹ mítọn lẹ, plọnmẹ Biblu mítọn lẹ po mẹdevo lẹ po gbọn?

Azán dopodopo he wayi nọ yidogọna whenuho Kunnudetọ Jehovah tọn lẹ tọn. Etẹwẹ linlin lẹ na dohia gando vivẹnudido mítọn to lizọnyizọn lọ mẹ go? Dile mẹmẹsunnu mítọn lẹ ko wà do wayi, mì gbọ mí ni yí zohunhun do to ‘hinhọ́n lọ hẹn họnwun’ zọnmii!—2 Kọl. 4:6.