Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Mai Tọn

“Mẹsusu wẹ yọnẹn dọ Lẹgba wẹ to godona nuylankan he to jijọ to aihọn lọ mẹ lẹ. Ṣigba, yé nọ kanse yede dọ: ‘Nawẹ angẹli enẹ wá lẹzun Lẹgba gbọn?’ Etẹwẹ mì lẹn? [Jotẹnna gblọndo.] Mì pọ́n nuhe linlinnamẹwe ehe dọ tofi.” Do hosọ he tin to wepa godo tọn Atọ̀họ̀-Nuhihọ́ lọ Tọn avril-juin tọn ji hia whétọ lọ bo gbadopọnna hukan tintan to hóvila awetọ glọ po dopo to wefọ he yin dide lẹ mẹ po. Ze linlinnamẹwe lọ lẹ donukọnna ẹn bo basi tito nado lẹkọwa nado gbadopọnna hukan he bọdego.

Atọ̀họ̀-Nuhihọ́ lọ Tọn Avril-Juin

Hia Matiu 22:31, 32. “Jesu wẹ yí hogbe ehelẹ zan to whenue e tin to aigba ji. Etẹwẹ mì lẹndọ hogbe ehelẹ to pinplọn mí? [Jotẹnna gblọndo.] Mì pọ́n nuhe linlinnamẹwe ehe dọ gandego.” Ze hosọ he tin to weda 13tọ ji donukọnna whétọ lọ bo hia hukan 4tọ.

Réveillez-vous! Mai

“Mí to kọmẹnu mítọn lẹ dlapọn nado dọho hẹ yé gando nuhahun sinsinyẹn de go, enẹ wẹ sẹ́nhẹngba. Mẹdelẹ lẹndọ nuhe na gọalọ nado dekanpona sẹ́nhẹngba wẹ nado yí ponọ lẹ dogọ. Etẹwẹ mì lẹn? [Jotẹnna gblọndo.] Be mì yọnẹn dọ Biblu dopagbe dọ sẹ́nhẹngba na doalọte ya? [Hia Psalm 37:10, 11.] Linlinnamẹwe ehe dọhodo jide he wefọ ehe namẹ ji gọna afọdide yọ́n-na-yizan delẹ he mí sọgan ze nado basi hihọ́na míde ma nado jiya sẹ́nhẹngba tọn.”