Nọ Dọhodo Hosọ Dopo Ji, bo Nọ Do Linlinnamẹwe Awe lọ lẹ Gbonu

Vọkan Atọ̀họ̀-Nuhihọ́ lọ Tọn po Réveillez-vous! po tọn he mí nọ dogbonu dopọ lẹ nọ bẹ hosọ ojlofọndotenamẹ tọn voovo lẹ hẹn. To paa mẹ, e nọ yọ́n hugan nado dọhodo hosọ dopo gee ji kakati nado nọ dọhodo hosọ susu ji hẹ whétọ lẹ. Eyin mí nọ doayinugo bosọ nọ jẹakọ hẹ hosọ he linlinnamẹwe lọ lẹ bẹhẹn lẹ, mí na penugo nado nọ ze hosọ he na fọnjlodotena whétọ lẹ donukọnna yé, vlavo sọn Atọ̀họ̀-Nuhihọ́ lọ Tọn kavi Réveillez-vous! mẹ. Di apajlẹ, eyin mí mọ aihundanu yọpọvu lẹ tọn to owhé de gbè, mí sọgan dọhodo hosọ de he gando gbẹzan whẹndo tọn go ji. Eyin sunnu wẹ whétọ lọ yin, mí sọgan ze hosọ he mẹ sunnu susu nọ tindo ojlo te de donukọnna ẹn, taidi dehe dọhodo gandudu dagbe ji. Dile etlẹ yindọ hosọ dopo gee ji wẹ mí sọgan dọhodo hẹ whétọ de, linlinnamẹwe awe he mí to didogbonu dopọ lọ lẹ wẹ mí dona zedonukọnna ẹn eyin e do ojlo hia.