Zẹẹmẹ Nuyise Mítọn Tọn Bibasi Gando 1914 Go

Owe-wiwe lẹ na mí tuli nado “nọ wleawu to whepoponu nado yiavùnlọ” na nuyise mítọn lẹ, bo “nọ wàmọ to walọmimiọn po sisi sisosiso po mẹ.” (1 Pita 3:15) Na nugbo tọn, e sọgan nọ vẹawuna mí nado basi zẹẹmẹ nugbo Biblu tọn he siso lẹ tọn, taidi lehe mí wagbọn do yọnẹn dọ Ahọluduta lọ jẹ gandu ji to 1914. Nado gọalọna mí, hosọ adà awenọ de he yin “Conversation avec un Témoin de Jéhovah—Quand le Royaume de Dieu a-t-il comencé à régner?” ko yin awuwlena. Hosọ adà awenọ ehe sọawuhia to zinjẹgbonu Atọ̀họ̀-Nuhihọ́ lọ Tọn (Flansegbe tọn) he na yin zizedonukọnnamẹ to octobre po novembre po mẹ lẹ. Dile a na to dogbapọnna hosọ lọ to Atọ̀họ̀ lọ lẹ mẹ, pọ́n lehe François na ayidonugo adà voovo ehelẹ do. Adà ehelẹ wẹ yin kanbiọ he bọdego lẹ.

Nawẹ e . . .

• nọ yí mẹpipa zan nado ze dodonu nuhe ji yé omẹ awe lẹ kọngbedopọ do tọn dai gbọn?—Owalọ 17:22.

• nọ do whiwhẹ hia to whenue e to zẹẹmẹ nuyise etọn lẹ tọn basi gbọn?—Owalọ 14:15.

Naegbọn e do yọ́n dọ e . . .

• nọ basi bladopọ nuhe yé ko dọ wayi lẹ tọn whẹpo do yì devo lẹ ji?

• nọ kanse whétọ etọn sọn ojlẹ de mẹ jẹ devo mẹ eyin e to nukunnumọjẹ zẹẹmẹ lọ lẹ mẹ?

• e ma na zẹẹmẹ he gando kanbiọ he yin kinkanse e lọ go lẹpo to gọyìpọn tintan whenu?—Joh. 16:12.

Mí dopẹ́ taun dọ ‘Mẹplọntọ Daho’ mítọn Jehovah nọ plọn mí na mí nido sọgan basi zẹẹmẹ nugbo Biblu tọn he siso lẹ tọn na mẹhe huvẹ gbigbọmẹ tọn to hùhù lẹ!—Isa. 30:20.