Nuzedonukọnnamẹ Lẹ

Atọ̀họ̀-Nuhihọ́ lọ Tọn Janvier-Mars

“E taidi dọ mẹhihodu kavi alọgodo-kuẹ yíyí ko yin nuhahun sọn ojlẹ dindẹn die. Naegbọn mí lẹndọ e do yinmọ? [Jotẹnna gblọndo.] N’mọdọ zẹẹmẹ Biblu tọn ehe sọgbe taun. [Hia Yẹwhehodọtọ 7:20.] Linlinnamẹwe ehe zinnudo pọngbọ Biblu tọn gando nuhahun enẹ go ji. Mì jaale bo de whenu dovo nado hia ẹ. Vọkan mìtọn die.”

Réveillez-vous! Janvier

“Mẹsusu wẹ nọ lẹndọ nuplọnmẹ nulẹ wá tintin mẹ yededenu tọn wẹ basi zẹẹmẹ lehe ogbẹ̀ bẹjẹeji do tọn, ṣigba mẹdevo lẹ ma kudo linlẹn enẹ ji. Nawẹ mìwlẹ lẹndọ ogbẹ̀ bẹjẹeji gbọn? [Jotẹnna gblọndo.] Dodinnanu owhe susu lẹ tọn dohia dọ mẹde wẹ dá nulẹ. Linlẹn enẹ sọgbe po hogbe Biblu tọn he họnwun ehelẹ po. [Hia Psalm 36:9.] Po lehe ogbẹ̀ gẹdẹ bosọ jiawu do po, e họnwun dọ nulẹ ma wá tintin mẹ yededenu. Linlinnamẹwe ehe dọhodo nuhewutu mẹsusu wá tadona enẹ kọ̀n ji.”