Nuzedonukọnnamẹ Lẹ

Atọ̀họ̀-Nuhihọ́ lọ Tọn Janvier-Mars

“Mí to wema pẹvi ehe má na mẹlẹpo to lẹdo mìtọn mẹ to egbehe. E do lehe Biblu sọgan gọalọna mí nado tindo ayajẹ to whẹndo mẹ do hia. Vọkan mìtọn die. [Ze alọnuwe pẹvi lọ Etẹwẹ Sọgan Hẹn Ayajẹ Wá to Whẹndo Mẹ? na whétọ lọ.] Mẹdelẹ ko kanse yede eyin yé sọgan mọ ayinamẹ dagbe lẹ to Biblu mẹ, ehe na gọalọna yé nado yin asu dagbe. Mì doayi nuhe wefọ ehe dọ gando asu lẹ go. [Hia Efesunu lẹ 5:​25.] Linlinwe ehe dọhodo nunọwhinnusẹ́n Biblu tọn delẹ ji ehe sọgan gọalọna sunnu de nado yin asu dagbe bo hẹn owhé etọn zun bẹtẹn de. Be e na jlo mì nado hia ẹ ya?”

Réveillez-vous! Février

“Mí to kọmẹnu mítọn lẹ dlapọn nado do Réveillez-vous! osun ehe tọn hia yé. E na gblọndo kanbiọ titengbe de tọn. [Do wepa lọ hia.] E na vivi na mi nado yọ́n nuhe mì lẹn gando apajlẹ he yin nùdego to linlinwe lọ mẹ go. [Hia Howhinwhẹn lẹ 29:11.] Be mì lẹndọ nunọwhinnusẹ́n Biblu tọn ehe gbẹ́ yọ́n-na-yizan to egbehe ya? [Jotẹnna gblọndo.] Linlinwe ehe dọhodo nunọwhinnusẹ́n Biblu tọn ẹnẹ ji, bo do lehe mí sọgan mọaleyi sọn yé mẹ do hia eyin mí yí yé do yizan mẹ.”