Apotin Kanbiọ Tọn

◼ Whetẹnu Wẹ E Jẹ Nado Doalọtena Plọnmẹ Biblu De?

Eyin Biblu plọntọ de masọ to nukọnyiyi basi ba, e sọgan biọ dọ a ni yí wuntuntun do doalọtena oplọn etọn. (Mat. 10:11) Kanse dewe dọ: Be a nọ mọ ẹn to azán he ji mì de nado nọ plọnnu lẹ ji ya? Be e nọ wleawudaina oplọn etọn ya? Be e ko wá opli agun tọn delẹ ya? Be e nọ má nuhe plọn e te hẹ mẹdevo lẹ ya? Be e to diọdo lẹ basi sọgbe hẹ nunọwhinnusẹ́n Biblu tọn lẹ ya? Nugbo wẹ dọ a dona ze owhe etọn po nugopipe etọn lẹ po do lẹnpọn mẹ ga bo hẹn do ayiha mẹ dọ mẹlẹpo ma nọ basi nukọnyiyi to aliho dopolọ mẹ. Humọ, eyin a doalọtena oplọn etọn, hẹn ẹn voawu dọ mì sọgan gọ̀ oplọn lọ bẹ whedepopenu he e na wleawufo nado wàmọ to nukọn mẹ.—1 Tim. 2:4.