Nuyiwa He Sọgbe lẹ to Họntonu

Klistiani lẹ yin “nupinpọn de na aihọn lọ.” (1Kọ 4:9) Enẹwutu, e ma dona paṣa mí dọ whétọ delẹ nọ to mí pọ́n hlan gbọn fleṣenu kavi nọ to todoaina mí sọn ohọ̀n yetọn lẹ godo. Owhé delẹ tlẹ sọgan tindo fọto-denú hihọ́ tọn po nuyizan hoyidokanji tọn po he nọ zọ́n bọ whétọ lọ na to mí mọ, to todoai, bo to nuhe wà mí te lẹ yidokanji. Nuyiwa he sọgbe delẹ die to họntonu.—2Kọ 6:3.

WALỌYIZAN TOWE (Flp 1:27):

• Na sisi whétọ lọ bo ma nọ fìn owhé etọn gbè pọ́n blo. Ma nọ dùnú, nùsin kavi yí alokan towe zan to whenue a to ohọ̀n lọ ji blo

HODIDỌ TOWE (Efe 4:29):

• Ma dọ nudepope to ohọ̀n whétọ lọ tọn ji he a ma na jlo dọ ewọ ni sè blo. Wẹnlatọ delẹ tlẹ nọ doalọtena hodọdopọ yetọn pete, na yé nido lẹnnupọndo nuhe yé jlo na dọna whétọ lọ ji

Aliho devo tẹlẹ mẹ wẹ a sọgan do nuyiwa he sọgbe to họntonu lẹ hia te?