Whetẹnu Wẹ N’Sọgan Vọ́ Basi Gbehosọnalitọ Alọgọtọ Tọn?

Tẹmpli he Ezekiẹli mọ to numimọ mẹ dohia dọ omẹ Jehovah tọn lẹ na ze yede jo sọn ojlo mẹ wá. Nawẹ dopodopo mítọn sọgan tindo mahẹ to avọ́sinsan pipà tọn lẹ bibasi mẹ gbọn?—Heb 13:15, 16.

Aliho dagbe dopo wẹ nado basi gbehosọnalitọ alọgọtọ tọn. Osun susu wẹ to owhe sinsẹ̀nzọn 2018 tọn mẹ he bẹ Sibigbe atọ́n kavi Sẹgbe atọ́n hẹn. Ehe na gọalọna mẹhe nọ wà agbasazọ́n whenu-gigọ́ tọn bọ sẹfifo lẹ kẹdẹ wẹ yé nọ tindo mahẹ to lizọnyizọn lọ mẹ lẹ. Humọ, wẹnlatọ lẹ sọgan de nado yí gànmẹ 30 kavi 50 zan to osun mars po avril po tọn mẹ kavi to osun dlapọn nugopọntọ lẹdo tọn mẹ.

Etẹwẹ mí sọgan wà eyin ninọmẹ mítọn ma na mí dotẹnmẹ nado basi gbehosọnalitọ alọgọtọ tọn? Mí sọgan dovivẹnu nado hẹn lizọnyizọn mítọn pọnte dogọ bosọ yí gànmẹ susu dogọ zan. Mahopọnna ninọmẹ mítọn, na owanyi mítọn na Jehovah ni whàn mí nado wà susu dogọ to owhe sinsẹ̀nzọn 2018 tọn mẹ!—Hos 14:2.

PỌ́N VIDEO LỌ N’GÁN WÀ NUDEPOPE PO ALỌGỌ JEHOVAH TỌN PO, ENẸGODO NA GBLỌNDO NA KANBIỌ HE BỌDEGO LẸ:

• Etẹwẹ whàn Sabina nado wà susu dogọ to sinsẹ̀nzọn Jehovah tọn mẹ?

• Nawẹ apajlẹ Sabina tọn na tuli we gbọn?

• To owhe sinsẹ̀nzọn 2018 tọn mẹ, osun tẹ (lẹ) mẹ wẹ a sọgan basi gbehosọnalitọ alọgọtọ tọn te?