Hẹn Lizọnyizọn Towe Pọnte Dogọ​—Nọ Yí Kanbiọ lẹ Zan Ganji

NUHEWUTU E DO YIN NUJỌNU: Eyin “linlẹn he to ahun gbẹtọ tọn mẹ lẹ taidi otọ̀ he siso lẹ,” be kanbiọ lẹ taidi sindànu he na dọ̀n yé tọ́n niyẹn. (Hwh 20:5) Kanbiọ lẹ nọ saba whàn hosetọ lẹ nado dọ linlẹn yetọn. Gblọndo kanbiọ he sọgbe lẹ tọn sọgan sọ wleawuna nudọnamẹ họakuẹ na mẹplọntọ lọ. Jesu nọ yí kanbiọ lẹ zan ganji. Nawẹ mí sọgan hodo apajlẹ etọn gbọn?

LEHE MÍ SỌGAN WÀMỌ DO:

• Nọ kàn kanbiọ mẹhẹnlẹnnupọn tọn lẹ sè. Jesu nọ yí kanbiọ debọdo-dego lẹ zan ganji nado yọ́n pọndohlan devi etọn lẹ tọn. (Mt 16:13-16; be weda 238 huk. 3-5) Kanbiọ mẹhẹnlẹnnupọn tọn tẹlẹ wẹ a sọgan nọ kanse?

• Nọ kàn kanbiọ anademẹ tọn lẹ sè. Nado jla pọndohlan Pita tọn do, Jesu kàn kanbiọ delẹ sè bosọ wleawuna gblọndo delẹ he na gọalọna Pita nado wá tadona dagbe kọ̀n. (Mt 17:24-26) Kanbiọ anademẹ tọn tẹlẹ wẹ a sọgan nọ kanse nado gọalọna mẹde nado wá tadona dagbe kọ̀n?

• Nọ pà todoaitọ towe. To whenue wekantọ de “na gblọndo po zinzin po,” Jesu pà ẹ. (Mk 12:34) Nawẹ a sọgan pà mẹde he na gblọndo na kanbiọ de gbọn?

PỌ́N APÁ TINTAN VIDEO LỌ NỌ WÀ AZỌ́N HE JESU WÀ—NỌ PLỌNMẸ TỌN, ENẸGODO NA GBLỌNDO NA KANBIỌ HE BỌDEGO LẸ:

• Naegbọn ehe ma yin aliho mẹpinplọn tọn dagbe mahopọnna dọ nudọnamẹ lọ lẹ sọgbe?

• Naegbọn mí dona wà nususu hú zẹẹmẹ bibasi do nudọnamẹ lẹ ji poun?

PỌ́N APÁ AWETỌ VIDEO LỌ TỌN, ENẸGODO NA GBLỌNDO NA KANBIỌ HE BỌDEGO LẸ:

• Nawẹ mẹmẹsunnu lọ yí kanbiọ lẹ zan ganji gbọn?

• Nudevo tẹlẹ wẹ mí sọgan sọ plọn sọn aliho mẹpinplọn tọn etọn mẹ?