Mẹjitọ lẹ Emi, Mì Plọnazọ́n Ovi Mìtọn Lẹ

Aihọn nọ ylọ dagbe dọ oylan podọ oylan dọ dagbe. (Isa 5:20) E blawu dọ mẹdelẹ nọ wà nue Jehovah gbẹwanna lẹ bọ mẹhe tlẹ tindo vijinu dopolọ lẹ nọ zanhẹ yede. Wehọmẹvigbẹ́ lẹ kavi mẹdevo lẹ gán sisẹ́ ovi vivẹ́ mítọn lẹ nado wà nue ma sọgbe. Nawẹ mì gán gọalọna ovi mìtọn lẹ nado nọ duto whlepọn enẹ nkọ lẹ ji gbọn?

Mì nọ plọn yé nujinọtedo Jehovah tọn lẹ. (Le 18:3) Vudevude, sọgbe hẹ owhe yetọn, mì nọ do nue Biblu dọ gando zanhẹmẹ go hia yé. (De 6:7) Kanse dewe dọ: ‘Be n’ko plọn ovi ṣie lẹ aliho dagbe he mẹ yè gán nọ do owanyi hia te lẹ ya? Be n’ko plọn yé dọ nujọnu wẹ e yin nado nọ sọnú do jlẹkaji bọ aihun delẹ tin he yè ma dona nọ dà hẹ yé ya? Be yé ko yọ́n nue yé na wà eyin mẹde jlo na do yẹdide fẹnnuwiwa tọn hia yé, kavi sisẹ́ yé nado wà nude he Jehovah gbẹwanna ya?’ Azọ́npinplọn ovi towe lẹ jẹnukọn na zọ́n bọ yé gán dapana nuylankan wiwà. (Hwh 27:12; Yẹ 7:12) A na dohia dọ a yiwanna ogú vivẹ́ he Jehovah na we, eyin a nọ plọnazọ́n ovi towe lẹ.—Slm 127:3.

PỌ́N VIDEO LỌ GBÁ OHỌ̀ DE HE NA DẸN-TO-AIMẸ​—NỌ BASI HIHỌ́NA OVI TOWE LẸ SỌN “NUHE YIN OYLAN MẸ,” ENẸGODO NA GBLỌNDO NA KANBIỌ HE BỌDEGO LẸ:

• 

  Naegbọn mẹjitọ delẹ nọ whleawu nado dọhona ovi yetọn lẹ gando zanhẹmẹ go?

• 

  Naegbọn mẹjitọ lẹ dona nọ deanana ovi yetọn lẹ to “mẹplọnlọ po tudohomẹnamẹ Jehovah tọn po mẹ”?—Efe 6:4

• 

  Etẹlẹ wẹ titobasinanu Jehovah tọn ko wleawuna, na mẹjitọ lẹ nido sọgan nọ dọho hẹ ovi yetọn lẹ gando zanhẹmẹ go?—w19.05 12, apotin

• Naegbọn a dona nọ dọhodopọ hẹ ovi towe lẹ whẹwhẹ whẹpo nuhahun lẹ nido fọ́n?