Nọ Jẹ Ahun Gbẹtọ lẹ Tọn Mẹ

Ahun mẹ wẹ tonusisena Jiwheyẹwhe nọ wá sọn. (Hwh 3:1) Enẹwutu, mí dona nọ dovivẹnu nado jẹ ahun todoaitọ mítọn lẹ tọn mẹ to whenue mí to mẹplọn. Nawẹ mí gán wàmọ gbọn?

E ma ko pé nado nọ plọnmẹ nugbo Biblu tọn lẹ. Nọ gọalọna nuplọntọ towe nado mọ lehe nue plọn e te gando gbẹzan etọn po haṣinṣan etọn hẹ Jehovah po go do. Gọalọna ẹn nado mọ lehe nujinọtedo Biblu tọn lẹ do owanyi, dagbewà po dodowiwa Jiwheyẹwhe tọn po hia do. Yí zinzin do kàn kanbiọ lẹ sè e nado yọ́n nue e lẹn gando nue plọn e te go. Gọalọna ẹn nado lẹnnupọndo ale he e na mọyi ji eyin e jla pọndohlan kavi walọ etọn he ma sọgbe de do. Eyin a mọ owanyi ahundopo tọn he nuplọntọ towe do na Jehovah, enẹ na yidogọna ayajẹ towe.

PỌ́N VIDEO LỌ NỌ MỌ AYAJẸ HE NỌ WÁ SỌN GBẸTỌ LẸ HINHẸN ZUN DEVI MẸ—HẸN AZỌ́NYINYỌNẸN TOWE PỌNTE—NỌ JẸ AHUN GBẸTỌ LẸ TỌN MẸ, ENẸGODO NA GBLỌNDO NA KANBIỌ HE BỌDEGO LẸ:

• 

  Naegbọn Anita do kanse Jani dọ: “Be a lẹnnupọndo nue ji mí dọhodo wayi ji ya?”

• 

  Nawẹ Anita gọalọna Jani nado mọ lehe nujinọtedo Biblu tọn lẹ do owanyi he Jehovah tindo na ẹn hia gbọn?

• 

  Dọ lehe Anita gọalọna Jani nado mọ aliho he mẹ e gán do owanyi etọn hia Jiwheyẹwhe te do.