Nọ Kàn Kanbiọ lẹ Sè

Jehovah he yin “Jiwheyẹwhe ayajẹnọ lọ” jlo dọ mí ni duvivi lizọnyizọn lọ tọn. (1Ti 1:11) Ayajẹ mítọn na jideji dile mí to vivẹnudo nado hẹn azọ́nyinyọnẹn mítọn pọnte to lizọnyizọn lọ mẹ. Jọwamọnu wẹ e yin nado nọ yí kanbiọ lẹ do bẹ hodọdopọ jẹeji, podọ e gán zọ́n bọ apàpà na sọ́ mẹlẹ. Kanbiọ lẹ sọ nọ whàn mẹlẹ nado yiagbọji bo lẹnnupọn. (Mt 22:41-45) To whenue mí kàn kanbiọ sè bo dotoai, didọna mẹlọ wẹ mí te dọ ‘a vẹna mi.’ (Jak 1:19) Gblọndo mẹlọ tọn gán zọ́n bọ mí na yọ́n lehe mí na deanana hodọdopọ lọ do.

PỌ́N VIDEO LỌ NỌ MỌ AYAJẸ HE NỌ WÁ SỌN GBẸTỌ LẸ HINHẸN ZUN DEVI MẸ—HẸN AZỌ́NYINYỌNẸN TOWE PỌNTE—KANBIỌ LẸ YIYIZAN, ENẸGODO NA GBLỌNDO NA KANBIỌ HE BỌDEGO LẸ:

• 

  Jẹhẹnu dagbe tẹlẹ wẹ Jani dohia?

• 

  Nawẹ Anita yí kanbiọ lẹ zan nado do ojlo hia to Jani mẹ gbọn?

• 

  Nawẹ Anita yí kanbiọ lẹ zan nado yidogọna ojlo he Jani tindo to wẹndagbe lọ mẹ gbọn?

• 

  Nawẹ Anita yí kanbiọ lẹ zan nado hẹn Jani lẹnnupọn gbọn?