Kẹalọyi Alọgọ Jehovah Tọn Gbọn Odẹ̀ Gblamẹ

Jehovah wẹ nọ yinuwa bọ okún nugbo lọ tọn nọ wú bo nọ whẹ́n to ahun gbẹtọ lẹ tọn mẹ. (1Kọ 3:6-9) Enẹwutu, mí dona ganjẹ Jehovah go nado gọalọna míwlẹ po plọnmẹ Biblu mítọn lẹ po. Enẹ na zọ́n bọ lizọnyizọn mítọn na pà mí.

Nọ biọ Jehovah dọ ni gọalọna nuplọntọ towe lẹ nado nọ doakọnna kọgbidinamẹnu lẹ bo nọ duto whlepọn lẹ ji. (Flp 1:9, 10) Nọ nọ̀ tlọlọ to odẹ̀ towe lẹ mẹ. Nọ biọ dọ gbigbọ wiwe ni gọalọna we nado deanana linlẹn po nuyiwa towe lẹ po. (Luk 11:13) Dohia nuplọntọ towe lẹ lehe yé na nọ hodẹ̀ do bosọ nọ na yé tuli nado wàmọ. Nọ ylọ yinkọ yetọn to whenue a to dẹ̀ho hẹ yé kavi do ota yetọn mẹ.

PỌ́N VIDEO LỌ NỌ MỌ AYAJẸ HE NỌ WÁ SỌN GBẸTỌ LẸ HINHẸN ZUN DEVI MẸ—KẸALỌYI ALỌGỌ JEHOVAH TỌN—ODẸ̀, ENẸGODO NA GBLỌNDO NA KANBIỌ HE BỌDEGO LẸ:

• Nuhahun tẹwẹ Anita pehẹ to whenue e to nuplọn hẹ Jani?

• Nawẹ 1 Kọlintinu lẹ 3:6 gọalọna Anita gbọn?

• Etẹwẹ gọalọ bọ nuhahun Anita tọn do mọ pọngbọ?