GBẸZAN KLISTIANI TỌN

**Yí Owe Duvivi Ogbẹ̀ Tọn Kakadoi! Do Hẹn Yise Towe Lodo to Jehovah po Jesu po Mẹ**

Whẹpo Biblu plọntọ lẹ na hẹn homẹ Jiwheyẹwhe tọn hùn, yé dona wleawuna yise dolido. (Heb 11:6) Mí gán yí owe lọ Duvivi Ogbẹ̀ Tọn Kakadoi! do gọalọna yé to adà ehe mẹ. Owe ehe bẹ wefọ tangan lẹ, hoyijlẹdohogo, kanbiọ mẹhẹnlẹnnupọn tọn, video he nọ whànmẹ taun po yẹdide dagbedagbe lẹ po hẹn. Eyin mí nọ gọalọna nuplọntọ lẹ nado wleawuna jẹhẹnu gbigbọmẹ tọn lẹ bo jihọntọn hẹ Jiwheyẹwhe, be mí to họ̀gbá po azọ́nwanu he miyọ́n ma gán dù lẹ po niyẹn.—1Kọ 3:12-15.

Mẹdelẹ nọ mọdọ e na vẹawu nado jihọntọn hẹ Jiwheyẹwhe, na yè ma nọ mọ ẹn nukun-sọ-nukun. Enẹwutu, mí dona gọalọna yé nado yọ́n Jehovah bo dejido e go.

PỌ́N VIDEO LỌ YÍ OWE “DUVIVI OGBẸ̀ TỌN KAKADOI!” DO HẸN YISE TOWE TO JEHOVAH MẸ LODO, ENẸGODO NA GBLỌNDO NA KANBIỌ HE BỌDEGO LẸ:

Etẹwẹ dohia dọ mẹmẹyọnnu lọ wleawu ganji na oplọn lọ?
Nawẹ e yí kanbiọ delẹ zan nado whàn nuplọntọ lọ nado dọ numọtolanmẹ etọn lẹ tọ́n gando Isaia 41:10, 13 go gbọn?
Nawẹ video lọ po wefọ lọ lẹ po yinuwado nuplọntọ lọ ji gbọn?

Mẹsusu ma nọ yọ́n nuhe ofligọ lọ zẹẹmẹdo kavi ma nọ mọ ẹn di nunina de he Jiwheyẹwhe na yé. (Ga 2:20) Enẹwutu, mí dona nọ gọalọna yé nado do yise hia to avọ́sinsan Jesu tọn mẹ.

PỌ́N VIDEO LỌ YÍ OWE “DUVIVI OGBẸ̀ TỌN KAKADOI!” DO HẸN YISE TOWE TO JESU MẸ LODO, ENẸGODO NA GBLỌNDO NA KANBIỌ HE BỌDEGO LẸ:

Etẹwẹ dohia dọ mẹmẹsunnu lọ wleawu ganji na oplọn lọ?
Nawẹ e yí nudọnamẹ he to adà lọ “Pọ́n Nudọnamẹ Devo Lẹ” glọ lẹ zan sọgbe hẹ ninọmẹ nuplọntọ lọ tọn gbọn?
Naegbọn odẹ̀ do yin nujọnu na nuplọntọ lọ?