Be A to Hoyidokanji Biblu Tọn lọ Yizan Ganji Ya?

Etẹwẹ nọ yin hoyidokanji Biblu tọn? Hoyidokanji Lẹdogbedevomẹ Aihọn Yọyọ Tọn he yin vivọjlado lọ tọn wẹ. Yè to hoyidokanji ehe detọ́n vudevude do ogbè susu mẹ dile e yọnbasi do. Dopo to nuhe jẹna ayidego to hoyidokanji Biblu tọn ehe lẹ mẹ wẹ yindọ, ogbè voovo wẹ yè nọ zan na mẹhe go Biblu donù lẹ. Hogbe lọ lẹ nọ yin hihia po nuzindonuji he sọgbe po bosọ nọ gọ́ na numọtolanmẹ; ehe nọ zọ́n bọ owẹ̀n Biblu tọn lọ nọ tọ́n dile e jẹ do.

Ale tẹlẹ wẹ hoyidokanji Biblu tọn ko hẹnwa na mẹdelẹ? Mẹsusu wẹ nọ dotoaina hoyidokanji lọ to gbesisọ mẹ bo nọ yiwanna lehe e nọ hẹn Ohó Jiwheyẹwhe tọn tin to ogbẹ̀ do. Yé nọ mọdọ ogbè voovo yiyizan na mẹhe go Biblu donù lẹ dopodopo nọ gọalọna yé nado yí nukun homẹ tọn do mọ nujijọ Biblu tọn lẹ bosọ mọnukunnujẹ kandai lọ mẹ ganji dogọ. (Hwh 4:5) Mẹsusu ko sọ mọdọ hoyidokanji lọ lẹ sisè nọ hẹn kọgbọ wá na yé sọn magbọjẹ lẹ si.—Slm 94:19.

Ohó Jiwheyẹwhe tọn sisè to whenue yè to hihia ẹ daga gán yinuwado mí ji taun. (2Ot 34:19-21) Eyin apadewhe hoyidokanji Biblu tọn lọ tọn kavi blebu etọn tin-to-aimẹ to ogbè he a sè de mẹ, be a gán yí do dó aṣa nado nọ dotó e ya?

PỌ́N VIDEO LỌ AWUWIWLENA HOYIDOKANJI BIBLU TỌN—ADÀ KLEUN DE, ENẸGODO NA GBLỌNDO NA KANBIỌ HE BỌDEGO:

Etẹwẹ jiawu to aliho he mẹ yè wleawuna hoyidokanji Biblu tọn lọ te?