Yí Nọtẹn Internet Tọn Mítọn Zan Nado Dekunnuna Mẹhe Nọ Do Ogbè Devo Lẹ
Do Nọtẹn Internet Tọn Mítọn Hia Mẹlọ: Dohia mẹlọ lehe ewọ sọgan yí todohukanji lọ “Langue” zan do nado mọ nọtẹn Internet tọn mítọn to ogbè he e sè lọ mẹ. (To ogbè delẹ mẹ, apadewhe nọtẹn lọ tọn poun wẹ ko tin-to-aimẹ.)
Do Nọtẹn Internet Tọn Mítọn Hia Mẹlọ to Ogbè Etọn Mẹ: To nọtẹn lọ ji, do dopo to weda owe mítọn lẹ tọn mẹ taidi owe Biblu Plọn Mí kavi alọnuwe pẹvi lọ Be Hiẹ Jlo Na Yọ́n Nugbo lọ Ya? hia ẹ. Yì apotin lọ “Lire En” mẹ bo de ogbè he whétọ lọ sè.
Hò Hoyidokanji Hosọ de Tọn Na Mẹlọ: Dín hoyidokanji hosọ de tọn to ogbè mẹlọ tọn mẹ bo hò na ẹn. Eyin a to ogbè de plọn, nọ dotoaina hoyidokanji hosọ voovo lẹ tọn to whenue a to wehia; enẹ na gọalọna we taun nado sè ogbè lọ.—Zín “Publications/Livres & Brochures” kavi “Publications/Revues.”
Dekunnuna Tókunọ Lẹ: Eyin a dukosọna tókunọ de, hò video weta Biblu tọn de tọn, owe, alọnuwe kavi alọnuwe pẹvi de tọn na ẹn to tókunọ-gbè mẹ.—Zín “Publications/Langue des Signes.”
[Yẹdide/Apotin to weda 6]
(Na nudọnamẹ gigọ́, pọ́n zinjẹgbonu)
Tẹ́n Nọtẹn lọ Pọ́n
1 Zín ▸ nado hò hoyidokanji he jlo we (eyin e tin to ogbè towe mẹ). Kavi zín apotin he jlo we to “Téléchargement” glọ nado yí zinjẹgbonu he jlo we sọn nọtẹn lọ ji.
2 Yì apotin lọ “Lire En” mẹ bo zín ogbè mẹlọ tọn na ewọ nido mọ nọtẹn lọ to ogbè etọn mẹ.
3 Zín “Suivant” kavi hosọ he jlo we to “Sommaire” glọ nado hia hosọ kavi weta devo.