Hosọ Nupinplọn Tọn Delẹ

Nọ De Nuhe A Na Plọn Jẹnukọn Lẹ

Whenu he mí nọ de nado basi oplọn mẹdetiti tọn do dogbó. Nawẹ mí gán yí whenu ehe zan ganji gbọn? Jẹnukọn whẹ́, nọ yiagbọji ganji. A na mọaleyi taun, eyin a nọ plọnnu do nudọnamẹ kleun de ji kakati nado nọ nọ̀ plaplaji do plọnnu do nususu ji.

Eyin mọ wẹ, nọ de nudelẹ he a na plọn jẹnukọn. (Efe. 5:15, 16) Lẹnnupọndo ayinamẹ ehelẹ ji:

• Nọ hia Biblu egbesọegbesọ. (Salm. 1:2) A gán bẹjẹeji po tito Biblu hihia sẹmẹsẹmẹ tọn he mí nọ zan to opli osẹ ṣẹnṣẹn tọn whenu po.

• Nọ wleawuna Oplọn Atọ̀họ̀-Nuhihọ́ lọ Tọn po opli osẹ ṣẹnṣẹn tọn po. Nọ to gbesisọ mẹ nado na gblọndo.—Salm. 22:22.

• Dile whenu lọ na we dotẹnmẹ etọn do, nọ duvivi núdùdù gbigbọmẹ tọn he tọ́n to agọe lẹ tọn, taidi zinjẹgbonu mẹlẹpo tọn owe mítọn lẹ tọn, video po hosọ he nọ yin zizedo jw.org ji lẹ po.

• Ze tito nupinplọn tọn de dai. A gán nọ basi dodinnanu do nuhahun he pehẹ a te de ji, do kanbiọ de he to ahunmẹduna we kavi hosọ Biblu tọn he mẹ a jlo na mọnukunnujẹ dogọ de ji. Eyin a jlo na yọ́n lehe a gán wàmọ do, gbadopọnna adà lọ “Nuplọnmẹwe Biblu Pinplọn Tọn Lẹ” to jw.org ji.