Numimọ

Awuvẹmẹ Didohia Gbẹtọ Wunmẹ Lẹpo

To gbèdopo, mẹmẹyọnnu de he nọ nọ̀ Nouvelle-Zélande pọ́n video lọ “Mì Tindo Mẹtọnhopọn . . . Na Ode Awetọ,” he basi zẹẹmẹ dọ Jehovah ma nọ do numọtolanmẹ awuvẹmẹ tọn poun gba, amọ́ e sọ nọ yinuwa nado do e hia. (Isa. 63:7-9) E basi dide nado yí nuhe e plọn do yizan mẹ gbọn alọgọ he jẹ nina mẹdevo lẹ dali. Enẹgodo, to azán enẹ dopolọ gbè, dile e jei ahiwhlé gbé to ṣọfu de mẹ, e dukosọna nawe he nọ dọ́ alipá de bo kanse e eyin emi gán họ̀ núdùdù na ẹn. Nawe lọ yigbe. Whenue mẹmẹyọnnu lọ hẹn núdùdù lọ wá na ẹn, e yí ojlẹ kleun de zan nado dekunnuna ẹn po alọnuwe pẹvi lọ Be Yajiji Na Wá Doalọte Gbèdopo Ya? po.

Nawe lọ jẹ avivi ji. E dọ dọ whẹndo Kunnudetọ tọn de mẹ wẹ emi yin pinplọn whẹ́n te, amọ́ emi ko jo nugbo lọ do sọn owhe susu die. To agọe, e hodẹ̀ dọ Jehovah ni gọalọna emi nado lẹkọwa ewọ dè. Mẹmẹyọnnu lọ na Biblu de nawe lọ bo basi tito nado plọnnu hẹ ẹ.a

Taidi Jehovah, mí sọgan nọ do awuvẹmẹ hia mẹlẹ, ehe bẹ hẹnnumẹ mítọn lẹ gọna mẹmẹsunnu po mẹmẹyọnnu he to agun mítọn mẹ lẹ po hẹn. Mí gán sọ nọ do awuvẹmẹ hia gbọn dotẹnmẹ hundote lẹ dindin nado dekunnuna mẹdevo lẹ dali.