Hosọ Nupinplọn Tọn Delẹ
Dín Onú Sisosiso Gbigbọmẹ Tọn He A Gán Yizan Lẹ
Whenue mí to Biblu hia, mí gán dín onú sisosiso gbigbọmẹ tọn lẹ eyin mí nọ basi dodinnanu. Amọ́ nawẹ mí gán mọaleyi to gigọ́ mẹ dogọ gbọn?
Nọ dindonanu dogọ nado mọ nudọnamẹ gigọ́ lẹ gando kandai Biblu tọn lẹ go. Di apajlẹ, dindona mẹhe kàn adà lọ, mẹhe e kàn ẹn na podọ to whetẹnu. Ninọmẹ tẹlẹ mẹ wẹ e kàn ẹn te, etẹwẹ jọ jẹnukọn, podọ etẹwẹ jọ bọdego?
Nọ doayi nuplọnmẹ lọ lẹ go gbọn kanbiọ ehelẹ nkọ kinkanse dali: ‘Etẹwẹ yin numọtolanmẹ mẹhe go kandai lọ gando lẹ tọn? Jijọ tẹlẹ wẹ yé dohia? Nawẹ n’sọgan do jijọ dagbe mọnkọ lẹ hia kavi dapana jijọ ylankan yetọn lẹ gbọn?’
Nọ yí nuplọnmẹ he a mọ lẹ zan, vlavo to lizọnyizọn towe mẹ kavi whenue a to nuyiwa hẹ mẹdevo lẹ. Gbọn ehe wiwà dali, a na do nuyọnẹn Jiwheyẹwhe tọn hia dile Biblu dọ do dọmọ: “Mẹdepope he yọnnuin na nọ na ayidonugo onú ehelẹ.”—Salm. 107:43.
Ayinamẹ: Doayi e go dọ nudọnamẹ he to adà lọ Onú Sisosiso Gbigbọmẹ Tọn lẹ sọn Ohó Jiwheyẹwhe tọn mẹ glọ nọ gọalọna mí nado na ayidonugo lehe mí gán yí nuplọnmẹ lọ lẹ do yizan mẹ do. Adà ehe nọ bẹ kanbiọ he mí gán nọ kanse míde lẹ, nuagokun he ji mí gán nọ lẹnayihamẹpọn do lẹ gọna yẹdide he mí gán gbadopọnna whẹwhẹ lẹ hẹn.