Nọ Plọnnu po Yanwle lọ po Nado Má Hẹ Mẹdevo Lẹ

Nupinplọn gán nọ fakọna mí, amọ́ mí tlẹ gán mọ kọfanamẹ dogọ eyin mí má onú sisosiso gbigbọmẹ tọn tulinamẹ tọn he mí mọ lẹ hẹ mẹdevo lẹ. Howhinwhẹn lẹ 11:25 dọmọ: “Mẹdepope he nọ fakọna mẹdevo lẹ na yin kọfana ga.”

Eyin mí nọ má nuhe mí plọn lẹ hẹ mẹdevo lẹ, enẹ gán zọ́n bọ mí na nọ flin nuagokun lẹ po awubibọ po, bọ nukunnumọjẹnumẹ mítọn nasọ siso deji. Podọ na nuagokun enẹlẹ gán hẹn ale wá na mẹdevo lẹ wutu, mí nọ mọ ayajẹ to onú sisosiso enẹlẹ mimá hẹ mẹdevo lẹ mẹ.—Owalọ 20:35.

Tẹ́n ehe pọ́n: To osẹ he ja mẹ, dín dotẹnmẹ hundote de nado má nuhe a plọn hẹ mẹdevo de. A gán wàmọ hẹ hagbẹ whẹndo tọn, mẹde to agun towe mẹ, azọ́nwatọgbẹ́ de, wehọmẹvigbẹ́ de, kọmẹnu de kavi mẹde he a dukosọna to lizọnyizọn lọ mẹ. Tẹnpọn nado má nudọnamẹ lọ lẹ to hogbe towe titi mẹ to aliho he bọawu bosọ họnwun mẹ.

Nuflinmẹ: Nọ má nuhe a plọn lẹ hẹ mẹdevo lẹ nado na yé tuli, e ma yin nado jla glòlò.—1 Kọl. 8:1.