Gbẹtọ Nugbonọ lẹ Nọ De Opà Yetọn

Hia Whẹdatọ lẹ 11:30-40 nado plọnnu gando kandai Jẹfta po viyọnnu etọn po tọn go ehe dọhodo opà lẹ dide ji.

Lẹnnupọndo lẹdo hodidọ lọ tọn ji. Nukun tẹwẹ Islaelivi nugbonọ lẹ nọ yí do pọ́n opà he yé do na Jehovah lẹ? (Sọh. 30:2) Nawẹ Jẹfta po viyọnnu etọn po dohia dọ yé tindo yise to Jehovah mẹ gbọn?—Whẹ. 11:9-11, 19-24, 36.

Dindonanu dogọ. Nugbo tẹwẹ họnwun na Jẹfta whenue e do opà etọn? (w16.04 7 huk. 12) Avọ́sinsan tẹlẹ wẹ Jẹfta po viyọnnu etọn po basi, na Jẹfta nido de opà etọn? (w16.04 7, 8 huk. 14-16) Opà wunmẹ tẹlẹ wẹ Klistiani lẹ gán do to egbehe?—w17.04 5-8 huk. 10-19.

Doayi nuplọnmẹ lọ lẹ go. Kanse dewe dọ:

• ‘Etẹwẹ gán gọalọna mi nado de opà klandowiwe tọn ṣie?’ (w20.03 13 huk. 20)

• ‘Avọ́sinsan tẹlẹ wẹ n’gán basi nado sẹ̀n Jehovah to gigọ́ mẹ dogọ?’

• ‘Nawẹ n’gán hẹn gbemima ṣie nado de opà alọwle tọn ṣie lodo gbọn?’ (Mat. 19:5, 6; Efe. 5:28-33)