Nuhewutu Awhàn po Nudindọn Danuwiwa Tọn lẹ po Gbẹ́ to Núgbà
Biblu do adọ̀ awhàn po nudindọn he nọ bẹ danuwiwa hẹn lẹ po tọn hia mí gọna nuhewutu nujijọ ylankan ehelẹ gbẹ́ gbọṣi aimẹ.
YLANDO
Jiwheyẹwhe dá mẹjitọ mítọn tintan lẹ, Adam po Evi po to apajlẹ ede tọn mẹ. (Jenẹsisi 1:27) Enẹ dohia dọ to jọwamọ-liho yé na nọ do jẹhẹnu Jiwheyẹwhe tọn lẹ hia, ehe bẹ jijọho po owanyi po hẹn. (1 Kọlintinu lẹ 14:33; 1 Johanu 4:8) Amọ́, Adam po Evi po vẹtolina Jiwheyẹwhe bo waylando. Taidi kọdetọn de, mímẹpo ko dugu ylando po okú po tọn. (Lomunu lẹ 5:12) Ylando he mí dugu etọn nọ sisẹ́ mí nado tindo linlẹn po walọyizan ylankan lẹ po.—Jenẹsisi 6:5; Malku 7:21, 22.
GANDUDU GBẸTỌVI TỌN
Jiwheyẹwhe ma dá mí nado dugán do mídelẹ ji. Biblu dọmọ: “E ma tin to huhlọn mẹhe to zọnlinzin tọn mẹ nado deanana afọdide etọn lẹ.” (Jelemia 10:23) Na whẹwhinwhẹ́n enẹ wutu, gandudu gbẹtọvi tọn ma gán de awhàn po danuwiwa po sẹ̀ mlẹnmlẹn.
SATANI PO AOVI ETỌN LẸ PO
Biblu dohia dọ “aihọn lọ pete tin to huhlọn mẹylankan lọ tọn glọ.” (1 Johanu 5:19) “Mẹylankan” enẹ yin yiylọdọ Satani Lẹgba, podọ e tindo ayilinlẹn hlọnhuhu tọn lẹ. (Johanu 8:44) Ewọ po nudida gbigbọnọ ylankan devo lẹ po wẹ nọ oyẹ̀ mẹ bo fọ́n awhàn po danuwiwa po dote.—Osọhia 12:9, 12.
Mí ma gán de nuhe nọ hẹn awhàn po danuwiwa po wá lẹ sẹ̀, amọ́ Jiwheyẹwhe pego.