Nọ Mọaleyi to Gigọ́ mẹ sọn Yẹdide lẹ Mẹ

Owe mítọn lẹ nọ bẹ yẹdide susu lẹ hẹn he nọ plọnmẹ nuagokun tangan lẹ. Nawẹ a gán mọaleyi to gigọ́ mẹ sọn nuhe nukun sọgan mọ ehelẹ mẹ gbọn?

• Nọ pọ́n yẹdide lọ whẹpo do hia hosọ lọ. Yẹdide lọ lẹ gán fọ́n tlintlindo-dindin towe dote bosọ whàn we nado hia hosọ lọ. Kẹdẹdile e nọ yin do na núdùdù dagbedagbe de, nukun mítọn lẹ wẹ nọ “dọ́ ẹ pọ́n” jẹnukọn. Enẹwutu, kanse dewe dọ, ‘Etẹwẹ n’to mimọ?’—Amọ. 7:7, 8.

• Dile a to hosọ lọ hia, lẹnnupọndo nuhewutu nudide do yin bibasi nado zan yẹdide lọ ji. Hia nudọnamẹ he zọnpọ hẹ yẹdide lọ kavi zẹẹmẹ yẹdide lọ tọn eyin e tin. Lẹnnupọndo lehe yẹdide lọ tindo kanṣiṣa hẹ hosọ he a to dogbapọnna lọ po gbẹzan towe po do ji.

• To whenue a ko hia hosọ lọ godo, yí yẹdide lọ zan nado gbadopọnna nuagokun tangan he to e mẹ lẹ. Enẹgodo, miọnnukun bo tẹnpọn nado flin yẹdide lọ gọna nuagokun he e plọnmẹ lẹ.

• Naegbọn a ma na tẹnpọn nado gbadopọnna yẹdide he to linlinwe ehe mẹ lẹ bo pọ́n eyin a gán flin nuhe yé plọnmẹ lẹ?