Be Jiwheyẹwhe Yin Huhlọn Tata de Poun Wẹ Ya?
Gblọndo Biblu tọn
Jiwheyẹwhe nọ do huhlọn he nkọ ma pé awe hia to wẹkẹ lọ blebu mẹ. Gando lehe ewọ dá sunwhlẹvu liva madosọha lẹ do go, Biblu dọmọ: “[Mì] ze nukun mìtọn daga, bo pọ́n, mẹnu wẹ dá onú helẹ, bo sọ hẹn awhàn sọhasọha yetọn jẹgbonu: e nọ ylọ oyín yetọn dopodopo gbọn kiklo huhlọn etọn tọn dali, na ewọ sinyẹn to huhlọn mẹ; depope ma pò.”—Isaia 40:25, 26.
Ṣigba e ma yin dọ Jiwheyẹwhe tindo huhlọn poun wẹ gba. Biblu dọ dọ e nọ tindo numọtolanmẹ, taidi owanyi po wangbẹna po. (Psalm 11:5; Johanu 3:16) Biblu sọ dohia dọ aliho he mẹ gbẹtọvi lẹ nọ yinuwa te sọgan yinuwado numọtolanmẹ Jiwheyẹwhe tọn lẹ ji.—Psalm 78:40, 41.