Tito Biblu Pinplọn Tọn Tẹwẹ Kunnudetọ Jehovah Tọn lẹ Do?

Kunnudetọ Jehovah tọn lẹ do aliho nupinplọn tọn dagbe de he na gọalọna we nado yọ́n nuhe Biblu plọnmẹ lẹ. Tito Biblu pinplọn tọn mítọn gán gọalọna we nado:

• Do ayajẹ to gbẹ̀mẹ

• Lẹzun họntọn Jiwheyẹwhe tọn

• Yọ́n opagbe Biblu tọn lẹ na sọgodo

Nuhe a na mọ to adà ehe ji lẹ

• Nawẹ mí nọ plọn Biblu hẹ mẹ gbọn?

• Be n’na suahọ na nupinplọn lọ wẹ ya?

• Nawẹ nupinplọn lọ nọ dẹnsọ?

• Nawẹ n’na bẹjẹeji gbọn?

• Be n’gán tẹ́n nupinplọn lọ pọ́n whẹ́ ya?

• Eyin n’yigbe nado plọn Biblu, be yè na do ṣọ̀ṣọ̀ na mi nado lẹzun Kunnudetọ Jehovah tọn wẹ ya?

• Be n’gán zan Biblu ṣie to oplọn lọ whenu ya?

• Be n’gán ylọ mẹdevo lẹ wá oplọn lọ tẹnmẹ ya?

• Eyin n’ko plọn Biblu hẹ Kunnudetọ Jehovah tọn lẹ pọ́n, be n’gán gbẹ́ plọnnu hẹ yé din ya?

• Be mì do tito Biblu pinplọn tọn de he ma biọ dọ mẹplọntọ de ni plọnnu hẹ mẹ ya?

Nawẹ mí nọ plọn Biblu hẹ mẹ gbọn?

Mẹplọntọ de na gọalọna we nado jẹakọ hẹ hosọ Biblu tọn lẹ debọdo-dego. Eyin a yí owe lọ Duvivi Ogbẹ̀ Tọn Kakadoi! hodọdopọ sinai do Biblu ji zan, a na plọn owẹ̀n Biblu tọn lẹ vudevude, podọ a na mọ lehe yé gán gọalọna we do. Eyin a jlo na yọ́n nudevo lẹ dogọ, pọ́n video ehe.

Be n’na suahọ na nupinplọn lọ wẹ ya?

Lala. Anademẹ he Jesu na devi etọn lẹ wẹ Kunnudetọ Jehovah tọn lẹ nọ hodo: “Vọnu wẹ mì mọyi, vọnu wẹ mì ni namẹ.” (Matiu 10:8) Enẹwutu, a ma na suahọ depope na nupinplọn lọ, podọ na Biblu kavi owe lọ Duvivi Ogbẹ̀ Tọn Kakadoi! he a na mọyi.

Nawẹ nupinplọn lọ nọ dẹnsọ?

Oplọn lọ blebu bẹ nupinplọn 60 hẹn. Hiẹ lọsu wẹ na de lehe oplọn lọ na dẹnsọ, amọ́ nuplọntọ susu nọ yiwanna nado plọn nupinplọn dopo kavi humọ to osẹ dopo mẹ.

Nawẹ n’na bẹjẹeji gbọn?

1. 1. Kannu do alọdowemẹwe he to Intẹnẹt ji lọ mẹ. Mí ma na yí nudọnamẹ towe he a na mí zan na nudevo adavo na Kunnudetọ Jehovah tọn de nido dọho hẹ we.

2. 2. Mẹplọntọ de na dọho hẹ we. Mẹplọntọ towe na dọho na we do lehe hodọdopo sinai do Biblu ji lọ na yì do ji bo nasọ na gblọndo na kanbiọ depope he a do.

3. 3. Hiẹ po mẹplọntọ towe po wẹ na bayi tito lehe oplọn lọ na yì do tọn. Oplọn lọ gán yin bibayi nukun-sọ-nukun, mì gán sọ zan alokan, video kavi wekanhlanmẹ. To paa mẹ, oplọn lọ nọ dẹn na nudi gànhiho dopo, amọ́ e gán sọ whè humọ kavi dẹn humọ sọgbe tito towe.

Be n’gán tẹ́n nupinplọn lọ pọ́n whẹ́ ya?

Gbau. Eyin a jlo na wàmọ, kannu do alọdowemẹwe he to Intẹnẹt ji lọ mẹ. Eyin mẹplọntọ de dọho hẹ we, dọna ẹn dọ a jlo na tẹ́n nupinplọn lọ pọ́n whẹ́ wẹ nado pọ́n eyin emi na yiwanna. E na yí alọnuwe lọ Duvivi Ogbẹ̀ Tọn Kakadoi! zan, ehe bẹ nupinplọn atọ̀n bẹjẹeji tọn lẹ hẹn do gọalọna we nado pọ́n eyin a na yiwanna nupinplọn lọ.

Eyin n’yigbe nado plọn Biblu, be yè na do ṣọ̀ṣọ̀ na mi nado lẹzun Kunnudetọ Jehovah tọn wẹ ya?

Lala. Kunnudetọ Jehovah tọn lẹ yiwanna nado plọnnu mẹlẹ do Biblu ji, amọ́ mí ma nọ do ṣọ̀ṣọ̀ na mẹde gbede nado wá bayi sinsẹ̀n mítọn. Kakatimọ, mí nọ yí sisi do dọhodo nuhe Biblu dọ lẹ ji, podọ mí yọnẹn dọ mẹdopodopo wẹ do jlọjẹ nado yí nue jlo e sè.—1 Pita 3:15.

Be n’gán zan Biblu ṣie to oplọn lọ whenu ya?

Gbau, a gán yí lẹdogbedevomẹ Biblu tọn depope he jlo we zan. Nugbo wẹ dọ mí nọ yiwanna nado yí Owe Wiwe lẹ—Lẹdogbedevomẹ Aihọn Yọyọ Tọn zan na e sọgbe bosọ họnwun wutu, amọ́ mí yọnẹn dọ mẹsusu nọ yiwanna nado zan lẹdogbedovomẹ Biblu tọn he yé jẹakọ hẹ.

Be n’gán ylọ mẹdevo lẹ wá oplọn lọ tẹnmẹ ya?

Gbau. A gán ylọ whẹndo towe blebu kavi mẹdepope to họntọn towe lẹ mẹ wá nupinplọn lọ tẹnmẹ.

Eyin n’ko plọn Biblu hẹ Kunnudetọ Jehovah tọn lẹ pọ́n, be n’gán gbẹ́ plọnnu hẹ yé din ya?

Gbau. Na nugbo tọn, a na duvivi nuplinplọn lọ tọn todin taun hugan dai tọn, na e ko yin vivọjlado nado sọgbe hẹ nuhe sin hudo mẹlẹ do to alọnu. E bẹ nususu hẹn, podọ dotẹnmẹ tin nado dọhodopọ ganji hugan tito Biblu pinplọn tọn he wayi lẹ.

Be mì do tito Biblu pinplọn tọn de he ma biọ dọ mẹplọntọ de ni plọnnu hẹ mẹ ya?

Mọwẹ. Nugbo wẹ dọ mẹplọntọ lẹ nọ gọalọna nuplọntọ susu nado plọnnu, amọ́ mẹdelẹ nọ jlo nado plọnnu na yede whẹ́. Azọ́nwanu Biblu Pinplọn Tọn mítọn he to Intẹnẹt ji slẹ azọ́nwanu po nudọnamẹ vọnu delẹ po he gán gọalọna we nado plọn Biblu. Nudelẹ die he gán gọalọna we:

• 

  Nupinplọn sọn Biblu mẹ to Intẹnẹt Ji.a Nupinplọn ehelẹ na gblọndo na kanbiọ titengbe gbẹ̀mẹ tọn delẹ taidi: Mẹnu wẹ Jiwheyẹwhe? Naegbọn yajiji po ylanwiwa po do tin? Be Jiwheyẹwhe na wá doalọtena yajiji gbede ya?

• 

  Video Sinai Do Biblu Ji Lẹ. Video nupinplọn tọn kleunkleun ehelẹ dọhodo nuplọnmẹ tangan Biblu tọn lẹ ji.

• 

  Gblọndo Na Kanbiọ Sinai Do Biblu Ji Lẹ. Hosọ ehelẹ nọ na gblọndo na kanbiọ sinai do Biblu ji voovo lẹ.