Alọdlẹndonu Nuplọnwe Opli Gbẹzan po Lizọnyizọn po Tọn
4-10 SEPTEMBRE
NUHỌAKUẸ LẸ SỌN OHÓ JIWHEYẸWHE TỌN MẸ | EZEKIẸLI 42-45
“Sinsẹ̀n-Bibasi Wiwe-Ṣeke Yin Hinhẹngọwa!”
it-2-F 1052 huk. 8
Tẹmpli
Tẹmpli he Ezekiẹli mọ to numimọ mẹ. To 593 J.W.M., owhe 14tọ to vasudo Jelusalẹm po tẹmpli Sọlomọni tọn he to e mẹ po tọn godo, Ezekiẹli he yin yẹwhenọ podọ yẹwhegán yin hinhẹn yì osó he yiaga de ji to numimọ mẹ, bọ e mọ tẹmpli Jehovah tọn daho de. (Eze 40:1, 2) Nado dowinyan Ju he to kanlinmọgbenu lẹ na yé nido lẹnvọjọ, podọ matin ayihaawe nado miọnhomẹna Ju he yin nugbonọ lẹ, yè dọna Ezekiẹli nado dọ nuhe e mọ lọ lẹpo na “owhé Islaeli tọn.” (Eze 40:4; 43:10, 11) To numimọ lọ mẹ, ayidonugo sọwhiwhe tọn yin nina ojlẹnu. Ojlẹnu he yin yiyizan lọ lẹ wẹ “ofánpò” (ofánpò gaa, mẹtlu 3,11) gọna “awagbà” (awagbà gaa, cm 51,8). (Eze 40:5, Odò.) Ayidonugo he yin nina ojlẹnu lọ ko hẹn mẹdelẹ nado yise dọ tẹmpli he yin mimọ to numimọ mẹ lọ wẹ na yin apajlẹ he na yin hihodo nado gbá tẹmpli Zelubabẹli tọn to kọlilẹ sọn kanlinmọgbenu godo. Ṣigba, kunnudenu de ma nọgodona ehe.
it-2-F 412 huk. 8
Oyín
Taidi mẹhe tindo oyín Jiwheyẹwhe tọn to ota lẹ, awugbopo Islaelivi lẹ tọn nado nọgbẹ̀ sọgbe hẹ gbedide dodo etọn lẹ zọ́n bọ yé kọnmasin do oyín Jiwheyẹwhe tọn go kavi hẹn oyín lọ flu. (Eze 43:8; Am 2:7) Nugbonọ-mayin Islaelivi lẹ tọn dekọtọn do yasanamẹ Jiwheyẹwhe tọn mẹ bo hùn dotẹnmẹ dote na akọta devo lẹ nado vlẹ oyín Jiwheyẹwhe tọn kò. (Yijlẹdo Slm 74:10, 18; Isa 52:5 go.) Na akọta ehelẹ ma yọnẹn dọ Jehovah dè wẹ yasanamẹ lọ wá sọn wutu, yé gbọn nuṣiwa dali dohia dọ Jehovah ma penugo nado basi hihọ́na omẹ etọn lẹ wẹ zọ́n bọ nugbajẹmẹji lọ lẹ do wá Islaelivi lẹ ji. Nado klọ́ oyín etọn wé sọn vlẹko mọnkọ mẹ, Jehovah yinuwa na oyín etọn wutu bo hẹn pipotọ Islaelivi lẹ tọn lẹkọwa aigba yetọn ji.—Eze 36:22-24.
it-2-F 87
Whẹdida Dodo
Enẹwutu, Jehovah nọ gbọn jlọjẹ dali biọ to whepoponu dọ mẹhe jlo na mọ nukundagbe etọn lẹ ni jẹakọ hẹ nujinọtedo dodo etọn bo nọ nọgbẹ̀ sọgbe hẹ ẹ. (Isa 1:17, 18; 10:1, 2; Jel 7:5-7; 21:12; 22:3, 4; Eze 45:9, 10; Am 5:15; Mi 3:9-12; 6:8; Zek 7:9-12)
11-17 SEPTEMBRE
NUHỌAKUẸ LẸ SỌN OHÓ JIWHEYẸWHE TỌN MẸ | EZEKIẸLI 46-48
it-1-F 903
Visunnu Gbẹtọ Tọn
To Owe-wiwe Heblu tọn lẹ mẹ, owe Ezekiẹli tọn mẹ wẹ hogbe lọ sù te hugan, yèdọ hugan whla 90 wẹ Jiwheyẹwhe ylọ yẹwhegán lọ dọ “visunnu gbẹtọ tọn.” (Eze 2:1, 3, 6, 8) Matin ayihaawe, oyín ehe yin yiyizan na ẹn nado zinnudeji dọ gbẹtọ tata de wẹ yẹwhegán lọ yin bo gbọnmọ dali do vogbingbọn hia to gbẹtọvi he yin hoyidọtọ de po Jiwheyẹwhe Ganhunupotọ lọ he yin Asisa owẹ̀n etọn tọn po ṣẹnṣẹn. Oyín dopolọ sọ yin yiyizan na yẹwhegán Daniẹli to Daniẹli 8:17 mẹ.
18-24 SEPTEMBRE
NUHỌAKUẸ LẸ SỌN OHÓ JIWHEYẸWHE TỌN MẸ | DANIẸLI 1-3
it-2-F 267
Mẹṣaki
Vlavo whẹwhinwhẹ́n atọ̀n wutu wẹ yé nọ pọ́n onú dojó ahọlu tọn lẹ hlan di ‘hẹnflu’: (1) Babilọninu lẹ nọ dù kanlin he Osẹ́n Mose tọn ylọ dọ mawé lẹ; (2) yé sọgan nọma nọ yí sọwhiwhe do gbògbèna kanlin lọ lẹ bọ delẹ tlẹ nọ yin kọslona; (3) kosi lẹ nọ saba yí kanlin lọ lẹ do sanvọ́ na yẹwhe yetọn lẹ whẹ́ bo nọ mọdọ olàn mọnkọtọn lẹ dùdù yin apadewhe sinsẹ̀n-bibasi yetọn tọn hlan yẹwhe ehelẹ.—Da 1:8; yijlẹdo 1 Kọ 10:18-20, 28 go.
25 SEPTEMBRE–1er OCTOBRE
NUHỌAKUẸ LẸ SỌN OHÓ JIWHEYẸWHE TỌN MẸ | DANIẸLI 4-6
w88-F 1/10 30 huk. 3-5
Kanbiọ lẹ sọn Wehiatọ lẹ Dè
To whenue Heblu he nọ yin Daniẹli yin pinplan biọ họmẹ to godo mẹ, ahọlu vọ́ nunina he e jlo na na lọ lẹ dọ—e na yí sopẹ́-vọ̀ do doaṣọ́na Daniẹli, yí kọnú sika tọn de do na ẹn bo na yí ewọ do dugán taidi omẹ atọ̀ntọ to ahọluduta lọ mẹ. Yẹwhegán lọ yí sisi do gblọn dọmọ: “Hẹn nunina towe lẹ go bo yí nunina towe lẹ na mẹdevo lẹ. Ṣigba, yẹn na hia nukinkan lọ na ahọlu bo nasọ hẹn tadena etọn zun yinyọnẹn na ẹn.”—Daniẹli 5:17.
Daniẹli ma tindo nuhudo alọgodo-kuẹ kavi ahọsumẹ de tọn nado basi tadena lọ. Ahọlu lọ sọgan hẹn nunina etọn lẹ go kavi bẹ yé na mẹdevo. Daniẹli na basi tadena lọ, e ma yin na ahọsumẹ de wutu, ṣigba na Jehovah, Jiwheyẹwhe nugbo lọ ko na ẹn huhlọn nado wàmọ wutu, yèdọ mẹhe na hẹn whẹdida wá Babilọni ji.
Dile mí hia to Daniẹli 5:29 mẹ do, to whenue Daniẹli ko hia hogbe lọ lẹ bo na tadena yetọn dile e ko dọ do, ahọlu degbe dọ nunina lọ lẹ ni yin bibẹ na Daniẹli. E ma yin Daniẹli lọsu wẹ yí avọ̀ lọ po kọnú lọ po do gba. Ahọlu Bẹlṣazali, mẹhe yin ogán pete lọ wẹ degbe dọ yé ni yin didona ẹn. Ṣigba, ehe ma jẹagọdo Daniẹli 5:17 gba, fie yẹwhegán lọ hẹn ẹn họnwun hezeheze te dọ yanwle emitọn ma yin ṣejannabi tọn.