WESẸDOTẸN INTẸNẸT JI TỌN Watchtower Tọn

WESẸDOTẸN INTẸNẸT JI TỌN

Watchtower Tọn

th nupọnnamẹn 4 w. 7
Homẹbibiọ Dagbe Na Wefọ Lẹ

Jo Dewe Na Wehihia po Mẹpinplọn Po

th nupọnnamẹn 4 w. 7

NUPỌNNAMẸ 4

Homẹbibiọ Dagbe Na Wefọ Lẹ

Wefọ he yin dide

Matiu 22:41-45

BLADOPỌ: Nọ wleawuna ayiha hosetọ towe lẹ tọn whẹpo do hia wefọ de.

NUHE A NA WÀ:

Yọ́n nuhewutu a do to wefọ lọ hia. Nọ basi homẹbibiọ na wefọ dopodopo to aliho de mẹ nado dọ̀n ayidonugo hosetọ towe lẹ tọn wá nuagokun he a jlo na detọ́n sọn wefọ lọ mẹ ji.

Lẹnnupọndo lẹdo hodidọ lọ tọn ji. Nọ hẹn mẹhe to hodọ to wefọ lọ lẹ mẹ họnwun podọ eyin a jlo na dọ yinkọ mẹhe kàn owe Biblu tọn de tọn, ma ze ode do devo tẹnmẹ blo.
Nọ do Biblu hia taidi asisa dejidego de. Eyin a to hodọna mẹhe yise to Jiwheyẹwhe mẹ lẹ, nọ dọ̀n ayidonugo yetọn wá Biblu ji taidi Ohó Jiwheyẹwhe tọn, nado do e hia taidi asisa nuyọnẹn tọn he yiaga hugan lọ.
Fọnjlodotenamẹ gando wefọ lọ go. Kàn kanbiọ de sè he wefọ lọ na wá na gblọndo etọn, fọ́n nuhahun de dote he wefọ lọ na wá gọalọ nado didẹ, kavi dọ nunọwhinnusẹ́n de he kandai Owe-wiwe tọn lọ na wá hẹn họnwun.

Lẹnnupọndo nuhe hosetọ towe lẹ ko yọnẹn gando hosọ lọ po wefọ lọ po go ji. Nọ basi homẹbibiọ na wefọ he mẹsusu tlẹ jẹakọ hẹ lẹ to aliho he dọnmẹ de mẹ bo nọ gọalọna hosetọ towe lẹ nado mọ nuyọyọ de to yé mẹ.