Jiwheyẹwhe Dopà Dọ Aigba Ma Na Yin Vivasudo

Tadona enẹ kọ̀n wẹ pipli dodinnanutọ delẹ tọn wá gando ninọmẹ aimẹ tọn he to didiọ go. Eyin a yise dọ Mẹdatọ de tin bo nọ dọ gbẹtọvi lẹ tọn, tadona he kọ̀n weyọnẹntọ enẹlẹ wá gán flin we dọ Jiwheyẹwhe wleawuna aigba po tito jọwamọ tọn susu lẹ po, na e nido nọ to ede vọ́ jlado.

Etomọṣo, obá he mẹ gbẹtọvi lẹ ko hẹnnugble to aigba go jẹ dohia dọ tito jọwamọ tọn enẹlẹ ma ko pé na aigba nido gbọṣi aimẹ. Naegbọn mí gán kudeji dọ Jiwheyẹwhe na yí nude wà?

Pọ́n wefọ he yin sislẹ do apotin lọ mẹ lẹ. Wefọ ehelẹ na mí jide dọ aigba na gbọṣi aimẹ bo na tlẹ sọ tin to ninọmẹ dagbe mẹ.

• Jiwheyẹwhe wẹ dá aigba. “To bẹjẹeji Jiwheyẹwhe dá olọn lẹ po aigba po.”—Jenẹsisi 1:1

• Jiwheyẹwhe tọn wẹ aigba. “Jehovaha tọn wẹ aigba po nuhe tin to e ji lẹpo po.”—Salmu lẹ 24:1

• Jiwheyẹwhe dá aigba na e nido gbọṣi aimẹ. “Ewọ ko do aigba ai do dodonu etọn lẹ ji; e ma na yin tẹnsẹna pọ́n gbede.”—Salmu lẹ 104:5

• Jiwheyẹwhe dopà dọ gbẹninọ na vivi to aigba ji kakadoi. ‘Jiwheyẹwhe nugbo lọ, Mẹhe basi aigba, ma dá ẹ to ovọ́ mẹ, ṣigba e dá ẹ na yè nido nọ nọ̀ e ji.’—Isaia 45:18

• Jiwheyẹwhe dopà dọ gbẹtọvi lẹ na nọgbẹ̀ to aigba ehe ji kakadoi. “Dodonọ lẹ wẹ na dugu aigba tọn, yé nasọ nọgbẹ̀ to e ji kakadoi.”—Salmu lẹ 37:29

Jiwheyẹwhe dá aigba na gbẹtọvi lẹ nido duvivi etọn bo hẹn ẹn do ninọmẹ dagbe mẹ. Biblu dọ dọdai dọ to ojlẹ he Jehovah Jiwheyẹwhe de lọ mẹ, ewọ na doalọtena nuhe nukunkẹn ko hẹngble to aigba go lẹ.—Osọhia 11:18

Biblu dopà dọ to enẹgodo, Jiwheyẹwhe na diọ aigba zun paladisi he yọnwhanpẹ de bo na hùn alọ etọn nado “nọ hẹn pekọ wá na ojlo nutogbẹ̀ lẹpo tọn.”—Salmu lẹ 145:16