Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Juin Tọn

“Baptẹm yin nuyiwa de he gbayipe to Klistiani lẹ ṣẹnṣẹn. Kavi e ma yin mọ wẹ? Be hiẹ ko kanse dewe pọ́n nuhewutu Jesu do yí baptẹm ya? [Jotẹnna gblọndo.] Hosọ ehe na nudọnamẹ gigọ́ do kanbiọ enẹ ji.” Ze vọkan Atọ̀họ̀-Nuhihọ́ lọ Tọn avril-juin tọn dopo na whétọ lọ bo gbadopọnna nudọnamẹ he tin to hóvila awetọ glọ to weda 16 ji hẹ ẹ gọna e whè gbau dopo to wefọ he yin dide lẹ mẹ. Ze linlinnamẹwe lọ lẹ donukọnnamẹ bo basi tito nado lẹkọwa nado gbadopọnna gblọndo kanbiọ he bọdego tọn.

Atọ̀họ̀-Nuhihọ́ lọ Tọn Avril-Juin

Hia Luku 2:48. Enẹgodo dọmọ: “To egbehe, ovi lẹ pinplọn whẹ́n to aihọn ylankan ehe mẹ nọ hẹn ayimajai susu wá na tatọ́ whẹndo tọn lẹ. Ṣigba etẹwẹ sọgan gọalọna tatọ́ whẹndo tọn lẹ nado pehẹ ayimajai enẹlẹ? [Jotẹnna gblọndo.] Hosọ ehe do lehe apajlẹ Josẹfu, otọ́ mẹgopọntọ Jesu tọn sọgan gọalọna tatọ́ whẹndo tọn lẹ nado penukundo dagbemẹninọ whẹndo yetọn tọn go po kọdetọn dagbe po do hia.” Ze hosọ he bẹsọn weda 23tọ ji donukọnnamẹ.

Réveillez-vous! Juin

“To whemẹwhemẹ, gbẹtọ livi susu wẹ nọ jẹazọ̀n lẹdo aihọn pé na yé dù núdùdù he yè ma wlebòna ganji lẹ wutu. Be hiẹ lẹndọ gbẹtọ lẹ nọ wlebòna núdùdù to lẹdo mítọn mẹ ya? [Jotẹnna gblọndo.] Linlinnamẹwe ehe dọhodo aliho voovo ẹnẹ he mẹ mí sọgan basi hihọ́na whẹndo mítọn sọn azọ̀n he núdùdù he yè ma wlebòna nọ bẹpla mẹ lẹ si ji. E sọ dọho gando opagbe Biblu tọn go dọ to madẹnmẹ mẹlẹpo na tindo núdùdù hunsindagbe tọn he pemẹnu.” Hia Psalm 104:14, 15.