Hẹn Lizọnyizọn Towe Pọnte Dogọ—Plọnmẹ Biblu de Bibẹjẹeji to Họntonu Gbọn Alọnuwe lọ Wẹndagbe de sọn Jiwheyẹwhe Dè! Yiyizan Dali
Nuhewutu E Do Yin Nujọnu: Nado hẹn gbẹtọ lẹ zun devi, mí dona nọ plọnmẹ Ohó Jiwheyẹwhe tọn. (Mat. 28:19, 20) Mímẹpo wẹ sọgan plọnmẹ nugbo lọ po kọdetọn dagbe po eyin mí nọ yí azọ́nwanu he ko yin nina mí lẹ zan. Alọnuwe lọ Wẹndagbe de sọn Jiwheyẹwhe Dè! yin awuwlena titengbe nado gọalọna mí nado plọn nugbo lọ mẹdevo lẹ. Na nugbo tọn, mí sọgan yí i zan nado bẹ plọnmẹ Biblu de jẹeji hẹ whétọ de to dlapọn tintan whenu to họntonu etọn.
Tẹ́n Ehe Pọ́n to Osun lọ Mẹ:
Dọna Jehovah to odẹ̀ mẹ dọ a jlo na deanana plọnmẹ Biblu de. Sọ vẹ̀ ẹ dọ ni gọalọna we nado bẹ plọnmẹ Biblu de jẹeji podọ nado lẹzun mẹplọntọ nugbo lọ tọn kọdetọn dagbenọ.—Flp. 2:13.
To sinsẹ̀n-bibasi whẹndo tọn kavi to oplọn mẹdetiti tọn whenu, yí whenu zan nado plọn nuzedonukọnnamẹ lọ ganji. Gbọnmọ dali, hiẹ sọgan dọho po nujikudo po bosọ bẹ plọnmẹ Biblu de jẹeji to họntonu dile hiẹ to lizọnyizọn lọ mẹ.