-ˈMain

-Ka Zezi nʋan

VIDEO: Zezi ɔ ˈmain ɔɔ yea ɔɔˈ ˈdhoudhi sʋn bho po

1. -ˈJhe VIDEO i -aeˈˈ zro Jean 7:​3-5 -e 1 Corinthiens 15:​3, 4, 7. -ˈMɛn -za ˈe ideedɩ- nɩn:

1. 1. -Bo Zezi bhla, -kawɛ ɔɔˈ ˈdhoudhi -weˈˈ nʋn ɔnˈ -kpʋn sʋn ˈbho -deenanˈ -dhe -ɛ?

2. 2. -Ka Zezi kpa ɔɔˈ ˈdhoudhi Zakɩ ɔˈ sʋn bho -poɛ ɲan an, -ɛɛ toɛ -ɛ?

Dhɛ Zezi nʋan, dhɛwɛ- ɛɛ tɔɔn -abʋ -ɛ?

2. -A ˈye i ˈman dhɛbhleɛ, ɲʋn -ˈnʋʋn an poɛ ˈo nɔnˈˈ -duuˈˈ -wɛeˈ ʋa ˈŋwɔɔn -bɔyaˈˈ bo ɔˈ dɩ.

-Sraan Zezi

3. Nʋɛn -ka -dhee -ˈnɔɔn. -Bho ɲɔn ɔnˈ ˈˈdoo- ɔɔˈ ˈŋwɔɔn- Biiblʋ ˈcɩan- dɩ ɛˈ, -manˈ deɔ nɛn ˈˈkpe -dhe. -Bho ɛ -nmɔn ˈo dhi ɛˈ, -jhii video -aeˈˈ ˈcɩaandhɛ- dhueˈ i -wɛeˈ dhɛ ɲʋn an nʋan ˈo Biiblʋ ˈcɩaan -e dhɛjɛɛn- ɛ ˈbhɛɛa ɛ ˈyeɔ ˈˈdhrui nʋn ɛn, -ˈyeɔ sʋn bho po ɔ ˈyɩ i ˈŋwɔn.

4. -Manˈ poo ɲʋn ˈˈɩn -dhe. Ɲʋn anˈ klɛɛ se dhɛ dhueˈ -nɩn. -Bho -manˈ ɲɔn -aeˈˈ ɲɔn -man muan ˈo bho dhe ʋaˈ dhueˈ ˈse ˈbɔn ɔ ˈye Biiblʋ ˈcɩan anˈ, ˈbɔn dhɛ nɩan ˈo ɛˈ i ˈŋwɔan in. Dhɛ ɛˈ kpɔ dhueˈ -nɩn ˈo ɔ de -gwlɩˈˈ -ɛ -kɔn dɩ ˈjɛɛn- ˈdhe ɔ ˈˈjhri ˈdhe? Ɔɔˈ ˈcɛ -aeˈˈ ɲʋn -nɩn ɔ ˈˈkʋʋan in -ʋa- deɔ nɛn ˈˈkpe? -ˈˈƝɩɔnˈˈ nɔnˈˈ -wɛeˈ ɔ ˈye dɩ ˈtmʋɔn tɔˈ ˈˈkpei -naan ˈˈdhe ɔ ˈyeɛ ˈjhe -ka dɩ Biiblʋ a ˈtmʋan ˈdha dhɛ.

5. Bhae- ɲɔn -ɔn ˈbɔan -ɔ ˈyea dhɛ i ˈŋwɔn ɔnˈ dɩ. Bhae- Zoova ɔ ˈye ʋn sʋn bho po -ˈye tɔˈinaan- -sʋn ˈdhɔɛeˈ ˈbhle ˈˈdhe -ˈye -ghwlu ka jhibho-. Bhae- Zoova ɔ ˈye ʋn sʋn bho po -wɛeˈ -bho ɲɔn ˈse ˈbɔn ɔ ˈye dhɛ i ˈŋwɔn ˈjaa -e nɔnˈˈ -ˈyea ˈbho ɔ bho dhe muɛn in -ɲnaan an, -ˈyɩ jhibho-.—1 Cor. 9:26.