ˈFɔ 4 ɛnˈ -deeghwlu-

ˈFɔ nɔn ɔn muɛn -aʋ sʋn bho -po -a ˈye Zozɛʋ -e Zɔbʋ -e Moizɩ -e Israɛkɔʋn -jhibho-. Ɲɔnsaʋn ˈˈduɛˈˈ ʋbʋ aˈ klɛɛ ˈkle. Ɲʋn nʋɛn -ˈnʋʋn dhɛsaʋn ˈˈdhrui, ɲʋn poɛ ʋaˈ -ˈnʋʋn -gazo ˈdhi, ʋaˈ -ˈnʋʋn ˈkpa -kʋɔn- ˈˈdhe ɲʋn ˈdhbha ʋaˈ -ˈnʋʋn ˈmɛn -ke. -Ka dɩ ʋbʋ nɩan ˈe ˈdhi ˈjhe ɩn -nɩn mɔn -dhe ɛˈ, Zoova nʋɛn dhɩ -duuˈˈ ɔ yʋbʋ ˈdhei fuo-. -Bho a -nɩn ˈdhou -aeˈˈ -bho -nɩn ˈˈbho ɛˈ, po -manˈ ˈˈjhu sʋn bho ɔ ˈye -ka Zoova a dhbhonʋʋn- -ˈnʋn nʋan -wɛeˈ ʋʋ ˈsea ʋaˈ dhɛgwlɩdeɛ ˈbhɔ ˈdhe ˈkledɩ ˈdhi i ˈŋwɔn.

Zoova -jha ˈkledɩ -bue- Ezipʋkɔʋn bho -wɛeˈ ɔ toɛ -ka ɔ ˈbhɛaˈˈ ɔ -ziia dhɩ ʋbʋ a gbɛɛa ˈˈjhibhaˈ. -Ka ɔ nʋan ɔɔˈ ˈcɛ sʋn bho -po sʋn -tɛnˈˈ -e -ka ɔɔ nʋan ɔɔˈ ˈcɛ sʋn bho -po sʋn ˈzɩan an, po -manˈ ˈˈjhu sʋn bho ɔ ˈyeɛ i ˈŋwɔn.