ˈFɔ 11 ɛˈ -deeghwlu-

ˈFɔ nɔn ɔn ˈtmʋɛn Biiblʋ aˈ ˈfɔ ˈcrea ˈdhe glɛkɩghwlu ˈdhi aˈ dɩ. Zezi ˈghwlʋʋ ˈdhe ˈˈgbuzɔncɛ sea dhɛ ˈbhle ˈˈdhe -ʋʋ ˈˈtiaˈˈ ˈo ˈˈkwiglɔ- ˈˈzaan dhueˈ ˈdhi. Ɔ -nɩn ɔɔˈ ˈˈbho nɩan tibai- ɔ nʋɛn dhbho -dhe. Zezi mɔn -ɔn mun -glɔɲiɔn ˈpʋʋ- -dhe. Zoova zɔ ˈo ˈmɛn ɔ ˈye ˈBheɔglɔ- ˈnɩan ˈe jhaʋn ˈdhi ɔˈ ˈBheɔ -nɩn. -Bho -nɩn ˈˈɲnuunbhlei ɛˈ, po -manˈ ˈˈjhu sʋn bho ɔ ˈyeɛ i ˈŋwɔn -ka Zoova ŋmʋʋan dhi -kajɔɔnka -wɛeˈ ɔ za ˈo ˈˈgbuzɔncɛ -ʋʋ ˈdhe ˈˈklu Zezi ˈyea ˈbhɔɔa. -Tɔɔn -ka Zoova nʋɔn ˈdhe i -fuo- sʋn -wɛeˈ Erɔdɩ ˈseɔ ˈdhbha a. Nʋɛn ɔ ˈyeɛ i ˈŋwɔn -ka dhɛ ooˈˈ dhɛ sea ˈbhɛɛ- ɛ ˈyea dhɛ Zoova a ˈbɔan ɔ ˈyea nʋn jie dhe -kaan an. -Ka -ɛ tbha ˈe Zezi ɔˈ ˈˈzaan nɔnˈˈ ɔɔ toɛ -ka ɔ kman ˈsrɩn ˈdhɔɛeˈ Zoova a ˈˈduaˈˈ ɲʋn anˈ dɩ ɛ, zelɛ ˈˈkpe i -kajɔɔnka ˈdhe ɔ bho.