ˈFɔ 8 anˈ -deeghwlu-

Zoova poɛ Salomɔn ˈˈniman, ɔ ˈˈɲɩɔnˈˈ ˈtɔdhinɩɛn- nɩan ɛɛˈ -nɛn ka ˈˈdhe ɔ nʋɛnˈ ɔ ye ˈˈdhruigboogbu- -klaaˈˈ po. ˈKlaa -mɩɩnˈˈ -mɩɩnˈˈ ˈsʋ ɛ, Salomɔn ˈbhɔ Zoova ˈmɛn. -Bho a -nɩn ˈdhou -aeˈˈ -bho -nɩn ˈˈbho ɛˈ, po -manˈ ˈˈjhu sʋn bho ɔ ˈye -ka ɲʋn -an gbɛɛa gɩlɩ ˈsrɩ ˈˈjhibhaˈ nʋan -wɛeˈ Salomɔn -tɛɛan Zoova bho i ˈŋwɔn. Israɛkɔʋn anˈ ˈbhlʋadhru ˈghwlʋɛ ˈsɔɔn ˈˈdhe ˈbheɔ -ˈˈwe ɲnian ˈdhi ŋwɔn ˈˈtun ˈcɛ ˈmɛn ˈdhe ˈˈɲɩnsʋn ˈjɛʋn anˈ bho -vɔɛn -e -baadhɩ- ˈˈɲɩɛn ˈdhi. ˈDhe ɛɛˈ nɔnˈˈ tu ˈdhi ɛ, Zoova aˈ ghwlukwajhaaʋn- -duuˈˈ ɲʋn ˈˈdu ˈkle ˈˈdhe ɲʋn ˈdhbha. ˈBheɔ ɔˈ ˈɲnɔn Zezabɛlɩ poɛ israɛkɔʋn anˈ ˈbhlʋa- -dhru nɩan ˈe ˈˈdhru bho ˈdhe ˈˈɲɩnsʋn ˈjɛʋn anˈ bho -vɔɛn ˈdhi -kenɛnˈ ɛ ye -jieˈˈ zi. ˈDhe ɛɛˈ nɔnˈˈ tu ˈdhi ɛ, ɛ nɩn -ka Israɛkɔʋn anˈ nɩan ˈe -kwile- ˈdhi ɛ. ˈKlaa Israɛkɔʋn- anˈ -daduuˈˈ kpʋn ˈo Zoova ˈˈbun in. Ʋbʋ aˈ -ˈnʋʋn mʋn -nɩn ˈBheɔ Zozafatɩ -e ghwlukwajhaai- Eli.