-Ka -a ˈyea -aaˈ ˈsɛɩflɩ i -jhii sʋn nʋn -wɛeˈ -a ˈyea -bo -bhla -dee ɛ

-Ɛ ˈghwlʋa ˈo zʋn anˈ 2018 anˈ ˈˈcɛcʋ- ˈˈkpe ɛ, ˈbho Kletiɛn ɛnˈ ˈkmʋn -e bobhladhbho ɔˈ ˈsɛɛ ˈˈkpe ɛ, dhɛtosʋn -an nɩn ˈo. Ɲʋn poɛ -aʋ ˈkpɩ -a ˈse ˈo ˈsɛɩ aˈ -toaˈ aˈ ˈsʋ ˈˈkpe ˈˈtii- i, ˈklaa -a ˈye bo bhla -ke ˈdhe ɲʋn bho. Ɲʋn poɛ videe kpɔˈˈ ɩn ˈye -bobhlaʋn sʋn bho po -wɛeˈ -ka ɲʋn an nʋan Biiblʋ aˈ ˈsʋ -bo -bhlaa sʋn ɛn, ʋʋ ˈyeɛ jhibho-. -ˈMɛn -a ˈse ˈsɛɩ -bo -bhlaa i -dheeˈ ka? Ɛ seɛ mɛn -nɩn! ˈSɛɩflɩ- -a ˈbhlea ɩn ˈbhɛɛˈ ɩn ˈye -aʋ sʋn bho po -a ˈye -bo -bhlaa -dee ˈdhe ɲɔn bho. -A ˈbhɛɛˈ -a ˈye ˈsrɩn nɩn ˈˈjhriɛ ˈˈdu -wɛeˈ -a ˈye ˈsɛɩflɩ- -ˈnɩn anˈ -toaˈ ˈbhɛɛ- dhueˈ dhueˈ:

1. Ideedɩ- nɩan ˈbho ˈsɛɛflʋ ˈˈkpe -mɩn -ˈye i -dee.

2. Zro Biiblʋ aˈ ˈˈjhriɛ- nɩan ˈbho ɛɛˈ ˈˈjhriɛ ɛˈ ˈsɔɔn nɛn ˈˈkpe, ɛmɛn- -ɛn za ˈe ideedɩ- -ˈnɩn. -Bho -ˈbhle nɔnˈˈ ɔn, dhɩ nɩan ˈdhe ˈsɛɛflʋ ˈdhi ɛ, -ˈbhɛɛˈ -ˈyɩ ˈdhii zro -wɛeˈ aʋ ˈye ɩanˈ dɩ ˈtmʋn.

3. -Siie- ɲɔn -man ghwlua ˈe bho ˈsɛɛflʋ, -ˈmɛn poɔ ˈkpɩ ɔ ˈye dhɩ sia ˈo ˈdhii zro.

4. -Bho -ˈye mun ɛnˈ, po ˈe ideedɩ- nɩan ˈbho ˈsɛɛ ɛˈ ˈfɔ ɔˈ -da ɲʋn ˈcrea “-Naan tɔˈ i.”

-Bho mun ˈdhe ɔ bho dhe ɛˈ, -za ˈe ideedɩ- sia ˈo, -ˈmɛn sie ˈo ideedɩ- -ˈnɩɩn -wɛeˈ -bho jhi dhe ɛ, aʋ ˈye ɩanˈ dɩ ˈtmʋn. -ˈBhɛɛˈ -ˈye ideedɩ ˈbho -aaˈ ɛntɛɛnɛtɩ ɛˈ -deɩn ˈˈkpe -za, -ˈbhɛɛˈ -ke -ˈye ideedɩ ˈdhe ˈsɛɛ- -ɛ foto nɩan ˈbho ˈsɛɛflʋ ˈˈkpe ˈdhi -za. -Bho ɛ -nmɔn ˈo i ɛ, aʋ ˈbhɛɛ aʋ ˈye Biiblʋ ˈcɩan- -dee ˈdhe ˈsɛɛ- -Bɔyaˈˈ -dɩ ˈghlʋ ˈe Ɲɔnsoa bho! ˈdhi, -ˈbhɛɛˈ -ke -ˈye -aaˈ ɲʋndhɛtɔɔn- ˈsɛɩ- aˈ dhueˈ i -jhii.