-Ka -a ˈyea dhɛtosʋn dhbhonʋʋn- sʋn nʋn ɛn

ˈDhoudhi -weˈˈ a poɛ ˈe ˈkpɩ ʋa yea dhɛtosʋn- -ˈnɩn kpɔˈˈ po, ˈˈdhe -bobhlaʋn- -duuˈˈ ˈnaan ɩan poɛ ˈo dhɛ ˈdhe ʋaˈ kpɔ ˈdhi. Dɩ ɲʋn nɩan ˈe ˈdhi se dhɛ dhueˈ -nɩn ˈbhlʋɩ ˈdhii, -ˈmɛn dhɛ aʋ ˈbhɛɛa aʋ ˈyea ˈtmʋn ˈˈdhe -ɛ ˈyea ɲʋn nɩan ˈdhe aʋaˈ kpɔ ˈdhi aˈ -pɛɛ i ˈtʋn ɛn, aʋ ˈbhɛɛˈ aʋ ˈyeɛ i -jhii. ˈKlaa -bho -bobhladhbho- klaaˈˈ aˈ nɔnˈˈ ɲnɩn ɛnˈ, ˈsrɩn ɲʋn an ˈˈɲɩan -aʋ ɛ, ɩmɩn- -a ˈye ˈˈjhriɛ ˈˈdu. -Ka ɛ ˈjhe ɛ -nɩn ɛnˈ, dhbho Zezi dea -aʋ kwa, -ɔ nɩan ˈBheɔglɔ ɔˈ -bɔyaˈˈ bo -bhla a, ɔmɔn- -aa ˈbɔn -a ˈye nʋn.​—Mt 24:14.

-Bho -bobhlaʋn an sa dhɛ to ɛˈ, dhɛtosʋn- nɩan ˈdhe Kletiɛn ɛnˈ ˈkmʋn -e -bobhladhbho ɛˈ ˈsɛɛ- ˈdhi ɛ, ɛmɛn- ʋʋ ˈye i -jhii. Bho ɲʋn se ˈo ˈsrɩn -ˈnɩɩn -to ɛˈ, ʋʋ ˈbhɛɛ ʋʋ ˈye ˈo ideedɩ -e Biiblʋ aˈ ˈˈjhri -e ideedɩ- ʋʋ ˈyea ˈo sie -ɩn ˈbhɛɛa -ɩn ˈyea ɲʋn nɩan ˈbho ʋaˈ kpɔ ˈdhi aˈ -pɛɛ i ˈtʋn ˈbho -za. ˈSrɩn ɲʋn toa ˈo ˈdhe ˈˈdhruigbooɛ ɛˈ ˈsɛɛ- -ɛ ˈˈsiaˈˈ zɔnˈ ˈdhe 2020 zʋn anˈ ˈˈpleɛncʋ ˈdhi ˈdhe ɛɛˈ ŋwʋn anˈ 8 nʋn ˈdhi ɛ, ɩmɩn- ˈsɛɛ- nɛn ɛn zianˈˈ