-Kawɛ- -a ˈye dhɛtosʋn- -ˈnɩn dhbho -nʋʋn sʋn nʋn -ɛn

-Ɛ ˈghwlʋ ˈe 2018 zʋn anˈ ˈˈcɛcʋ- ˈdhi ɛ, dhɛtosʋn- -an nɩn ˈo Kletiɛn ɛnˈ ˈkmʋn -e ɔɔˈ -bobhladhbho-: ˈˈDhruigbooɛ- ɛˈ ˈsɛɛ- ˈˈkpe. -Kawɛ- -a ˈye dhɛtosʋn- -ˈnɩn dhbho -nʋʋn sʋn nʋn -ɛn?

-Bho ɲʋn ˈˈɲɩn ʋn -klainˈˈ dhbho ɛ: Ideedɩ- -e Biiblʋ aˈ ˈˈjhriɛ -e ideedɩ- ˈyea ˈo sie ɛ, ɩmɩn- -ˈye dhbho -nʋʋn. -ˈMɛn ɛ se dɩ ɲʋn ˈtmʋan ˈdhe dhɛtosʋn anˈ video ˈdhi -mɩn -ˈye dheza- ˈye ˈtmʋn -nɩn ˈkpɔkpɔ. Ghwlu -ˈyea ˈo ˈkpe -dee -e -manˈ dɩ -aˈ ˈtmʋnsʋn -e dhɩ -dhee -ˈnɩɩn -ˈyea nʋn ˈbhɛɛˈ ɩn -nɩn dɩ ˈtmʋan ˈdhe video ˈdhi ˈse gʋɔ- i. Ɲʋndhɛtɔɔn- ˈsɛɩ- -a bhlea, -ˈbhɛɛˈ -ˈyɩ -to -bho ɛɛˈ ˈsrɩn tu se ˈe -manˈ -klainˈˈ dhbho ˈdhi -nɩn mɔn -dhe ɛˈ.

-Bho -man sa bo bhla ˈdhe kpaeˈ: Dhɛtosʋn an poɛ -aʋ sʋn bho -aa ˈyea dɩ -a ˈyea ˈtmʋn jhibho. -Bho -dee -bo -bhla ˈdhe ɲɔn bho -wɛeˈ ɔɔ sa ʋn -dheinˈˈ bho po ɛ, -ˈbhɛɛ -ˈye dɩ nɩan ˈo dhɛtosʋn anˈ bho ɲɔn bho dhemuɛn- ɛnˈ ˈfɔ bho a dɩ ˈtmʋn -ke. -ˈBhɛɛˈ -ˈye dhɛtosʋn ˈˈɩ zɩan- dhɛ ˈˈzaan -aeˈ -ˈye dhɛ -dhee -ˈnɩɩn nʋn. Dhɛtosʋn -nʋʋan ˈdhe ˈcʋ zia ˈdhi -e Biiblʋ aˈ ˈˈjhriɛ -nɩn ˈo -ɛ ˈbhɛɛ -ɛ ˈye ɲɔn -manˈ ghwlua ˈe bho ɔˈ -pɛɛ i ˈtʋn? Ɲʋn nɩan ˈo -manˈ kpɔ ˈdhi ɛ, dɩ -nɩn ˈo -aeˈˈ -manɩan -nɩn ˈo -ɩanˈ dɩ ʋa naan tɔˈ i ˈghwɩ ˈsɔɔn nɩn ˈdhi? -ˈBhɛɛˈ -ˈye dhɛtosʋn nɩn anˈ ka jhibho- ˈklaa dhɛ kɔandɩ -ˈyea nʋn ɛmɛn- -nɩn -ˈye ‘dhɩ aˈ klɛɛ nʋn -bɔyaˈˈ bo ɔˈ dɩ, ˈˈdhe -ˈye ɔɔˈ dɩ ˈtmʋn ˈdhe ɲʋn -ˈnʋʋn bho.’—1Co 9:22, 23.