Ɲʋnjhae-: Aʋ ˈtmʋʋn aʋaˈ ˈcɛ -ˈˈwe dɩ nɩan ˈbho aʋ -gwlɩˈˈ

Dhɛɛdɩ- -ˈye dhɩ nɩan ˈbhoo- -gwlɩˈˈ -manˈ ˈcɛ -ˈˈwe ˈtmʋʋn- -ɛn? (Pr 23:26) Dhɛ nɩan ˈo -mɛn -nɩn ʋbʋ Zoova de ˈo dhi -ʋʋ ˈye -manˈ dɩ ˈˈdu ˈˈdhe -ʋʋ ˈye ʋn jie bho po. (Ps 127:3, 4) -Manˈ sʋnbhopoɛ ɛ muɛn ˈˈɩkman- ˈdhe ʋbʋ bho -bho -manˈ ˈtmʋʋn- ʋbʋ dɩ nɩan ˈbhoo- -gwlɩˈˈ ɛ. ˈBho -ˈmɛn ˈdhe ɛ, dhɩ ʋʋ jhibha ˈdhe ʋaˈ ˈkmʋn ˈdhi -ɩn ˈyea ʋn sʋn bho -dhe ɛ, ʋʋ se ʋn -tɔɔn in. -ˈMɛn -bho de -manˈ ˈˈsrandɩ i ɛˈ, ɛ dhɛsaʋn-? ˈˈƖɩn-, ɛ se ˈˈkpɔ ˈˈkpɔ -nɩn. ˈKlaa -bho dɩ -nɩn ˈo -gwlɩˈˈ ɩan sa ʋn -glʋˈ kpʋn ɛnˈ, -ˈbhɔ ka -nʋɛn dhɛ ˈse ˈo -nɩn.​—Pr 3:32.

Ka -ˈye ˈe -manˈ ˈcɛ bho -ghwlu sʋn nʋn -ɛn? -Za ˈo nɔnˈˈ nmɔan ˈo dhi ʋʋ -nɩn -ˈye -ghwlu. -Bho ɛɛˈ nʋanˈ -nɩn ˈkle ɛˈ, ˈcre dɩ nɩan ˈo -gwlɩˈˈ ˈbho ˈsɛɛ ˈˈkpe -ˈye ʋaˈ dhueˈ ˈˈɲɩn. ˈˈDhe -bho ʋa sa ˈbɔn ʋʋ ˈye dhɩ -ɩanˈ nʋan ʋn ˈtʋn anˈ dɩ ˈtmʋn ˈdhe? -Manˈ ˈˈmae -dhe -ka ʋʋ nɩɛnˈˈ ˈjɛɛn- ʋʋ ˈyea ʋn sʋn bho po. -ˈJhe -manˈ ˈcɛ -ˈˈwe -ka -manˈ -jhbhɛɛʋn nɩan, ɛɛˈ nɩn -e -ka -manˈ ˈmʋnɲɛʋn nɩan dhe-. ˈKpɩ -man poa ˈe -wɛeˈ -nɩn ʋbʋ ˈyea ghwlu i ˈŋwɔɔn- ɔn, ɩan muɛn ʋn ˈjɛɛn ˈˈdhrui -nʋn ˈdhe -manˈ ˈkmʋn anˈ klɛɛ ˈdhi, ɛmɛn -e ˈdhe ˈkmʋn -dhee ˈdhi.​—Pr 4:10-12.

-ˈJHE VIDEO NƆN IN ˈMAN ˈˈJHUZAAN- -KMƲN: KA ˈYE ˈE ˈMAN ˈCƐ BHO -GHWLU SƲN NƲN -ƐN?, -ˈMƐN -ZA ˈE IDEEDƖ NƖAN DA ˈZƆN DA:

• 

  Dhɛwɛ- Ɛstɛlɩ -e Patrikɩ jhibhoˈˈ ˈdhe ʋaˈ ˈˈjɛ ɛˈ dɩ ˈdhi -ɛ?

• 

  ˈSrɩn -wɛ -aa za ˈe Zezi ɔˈ bo ˈdhi -ɛ?

• 

  -Kawɛ aʋaˈ ˈcɛ -ˈˈwe nʋn ɛnˈ -tosʋn -ka ʋa ˈˈdua aʋaˈ dɩ -ɛ?

• 

  Biiblʋ aˈ ˈsrɩn -wɛ ˈbhɛɛ -ɩn ˈye aʋ sʋn bho po ˈˈdhe aʋ ˈye dɩ nɩan ˈbho aʋ -gwlɩˈˈ aʋaˈ ˈcɛ ˈtmʋʋn- -ɛn?