-ˈBhɛɛ -ˈyeɛ nʋn -manˈ ˈˈgbuzɔncɛ ˈye ˈmʋnan inˈ -nɩn

Zoova a ˈbɔn ˈˈgbuzɔncɛ ˈye ˈmʋnan in -nɩn. (Ps 127:3-5; Ec 9:9; 11:9) ˈKlaa ˈkledɩ- nɩan ˈnɔn ˈkmʋn nʋn ˈdhi -e dhɩ -ˈnɩɩn sea ˈˈɩ ˈsrɛ -aaˈ ˈˈgbuzɔncɛ ɛɛ nʋan an, ɩn ˈbhɛɛˈ ɩn ˈye -aaˈ ˈmʋnan in -nɩɛn- ɛnˈ ˈˈkpe dɩ ˈkɔɔ-. Dhɛwɛ- ɲʋn nɩan ˈo ˈˈgbuzɔnˈ ˈye nʋn dhueˈ dhueˈ -wɛeˈ ˈmʋnan ˈye ˈo -nɩn -ɛn?

-Kʋan- ˈye ɔɔˈ ˈɲnɔn ˈˈɩ ˈbhɛɛ-. (1P 3:7) Ɔ -nɩn ʋn ˈye nɔnˈˈ -duuˈˈ nʋn -da dhueˈ. Ɔɔˈ dee ʋn dhɩ -duuˈˈ -nʋʋɛn in, dhɩ ʋan poa ˈe ˈkpɩ ʋan nʋan ˈbho ˈˈgbuzɔnˈ ɔn, ɔɔ toɛˈ -ka ɩn ˈdha dhɛ ˈdhe ɔ ˈˈjhri ˈdhe ˈˈdhe ɔɔ pʋ ˈsɛ- ɩanˈ dɩ. (Col 3:15) Ɔɔ ˈtmʋʋnˈ -ka ɔ kman ʋanˈ dɩ ˈˈdhe ɔɔ gbu ˈɲnɩn.​—Pr 31:28, 31.

ˈƝnʋnkpaoˈ a ˈbɔn -ka ʋn ˈyea nʋn -wɛeˈ ʋn ˈyea ʋanˈ -kʋan sʋn bho po. (Pr 31:12) Ʋan ˈjheɔ ŋwɔn ˈˈdhe ʋn -nɩn ɔn ˈŋwɔɔɛn ghwluˈ i. (Col 3:18) Ʋan jhibhɛ ˈdhe ɔ bho -ghwlu -ka ˈˈdhe ʋan ˈˈsiɛˈˈ ɔɔˈ ˈɲnɩn ˈjɛɩn- ˈdhe ɲʋn -ˈnʋʋn bho.​—Pr 31:26.

ˈˈƝnuunbhleʋn- -nɩn ʋaˈ ˈˈɲnuun an nʋɛn nɔnˈˈ -duuˈˈ -da dhueˈ. (Dt 6:6, 7) Ʋa ˈtmʋʋn ʋaˈ ˈˈɲnuun ˈmɛn -ka ʋʋ kman ʋaˈ dɩ ɛ. (Mt 3:17) -Bho ʋa sa ʋaˈ ˈˈɲnuun kplɩn kwai za aˈ, ʋa nʋɛnˈ ˈdhe ɲʋndɩkman- -e tɔˈ i zela- ˈmʋn.​—Éph 6:4.

ˈˈƝnuun an de ˈo ʋaˈ ˈˈbho -e ˈdhou ˈmɛn. (Pr 23:22) Dhɩ nɩan ˈbho ʋbʋ -gwlɩˈˈ -e -jɩn ʋa naan tɔˈ i ɛ, ʋa ˈtmʋɩn ʋaˈ ˈcɛ ˈmɛn. Ʋaˈ tbha ʋaˈ ˈcɛ -ˈˈwe aˈ ɲʋnkplɩnkwaizasʋn dɩ ˈˈbun.​—Pr 19:20.

-ˈJHE VIDEO NƆN IN AƲ ˈCƖAN ˈMƲNAN IN -NƖƐN- ˈDHE AƲAˈ ˈˈGBUZƆNˈ, -ˈMƐN -ZA ˈE IDEEDƖ- NƖAN DA ˈZƆN DA:

Dhɛwɛ- ˈˈgbuzɔncɛ- -ˈnʋn nʋn dhueˈ dhueˈ -wɛeˈ ˈmʋnan ye ˈdhe ʋbʋ bho ˈˈgbuzɔnˈ -nɩn -ɛn?