Po -manˈ biiblʋcɩain sʋn bho ɔ ˈye -jhbhɛɛʋn- -saɩn bho -tɛɛn

-Bho biiblʋcɩaʋn -nɩn Zoova ˈye -jhbhɛɛ ɛˈ, ʋʋ ˈye dhaiˈˈ ˈjɛʋn ˈbhle. (Ps 15:1, 4) Ʋbʋ- -ˈyeɛ nʋn -wɛeˈ ʋʋ ˈye dhɩ ˈsreaˈˈ nʋn.​Pr 13:20; lff ˈcɩaandhɛ- 48.

-Bho -ˈye -manˈ biiblʋcɩaʋn sʋn bho po ˈdhe ɛɛˈ dɩ ˈdhi ɛˈ, po -manˈ ˈˈjɛ ˈbho ʋaˈ gɔˈˈ ɔˈ. Ʋaˈ dhaiˈˈ -ˈˈwe nɩan ˈe ˈkmʋn ˈˈkpe aˈ bho -tɛɛn muɛn ˈˈɩ -kman. -ˈMɛn -kman ʋaˈ dɩ ˈjɛɛn -ka -man nʋan -da ʋʋ -nɩn -man deea Biiblʋ ˈcɩan an. Dhɛ -ˈmɛn ˈdhaa -mɛn -nɩn -ˈyʋbʋ mesazɩ kpa, -ˈyʋbʋ ˈdha ˈbho pɔɔtablʋ ˈˈkpe -aeˈˈ -ˈye ˈe ʋbʋ ˈˈŋwɛn mun -ˈyʋbʋ ˈsɛ po. -Bho -manˈ biiblʋcɩaʋn an sa dhɩ ʋa ˈcɩan ˈˈjhriɛ ˈˈdu ɛˈ, -ˈbhɛɛ -ˈyʋbʋ ˈdha ʋʋ -nɩn ˈdhoudhi -ˈˈwe ˈye -da dhueˈ ˈkpa ʋʋ ˈye ˈplʋ ˈˈjhrii -za. Ɛ ˈyeɛ nʋn ʋʋ ˈyeɛ ˈˈkpe i ˈjhe -ka dhɩ ˈjɛɩn ʋʋ ˈjhea, ɩn -ziia dhɩ -ɩn ˈghwlʋ ʋbʋ ˈkwa a. (Mc 10:29, 30) -Ka -man ˈjhea Zoova aˈ ˈcɛ ɛ ˈkpa ˈˈkpe ɛ, ˈkamɔn- -manˈ ˈmʋnan an mun ˈˈkpe ˈkpa-.

-ˈJHE VIDEO NƆN IN PO -MANˈ BIIBLƲCƖAIN SƲN BHO Ɔ ˈYE -JHBHƐƐƲN- -SAƖN BHO -TƐƐN, -ˈMƐN -ZA ˈE IDEEDƖ NƖAN DA ˈZƆN DA:

• Ɲʋnwɛ- ɲɔn ɔn ˈdhaa dhaiˈˈ -ˈˈwe saɩn -ɛn?​—1Co 15:33

• Ka Sonia a ˈjhe kletiɛn -ˈˈwe aˈ ˈplʋjhriizaa- -dhe -ɛ?

• Ka Matɩ nʋn Sonia sʋn bho -po sʋn -wɛeˈ ʋn -nɩn dhaiˈˈ -ˈˈwe -saɩn ˈbhɔ -nan dɩ -ɛ?