Po -manˈ biiblʋcɩaʋn- ˈkpɩ ʋʋ ˈye ˈˈdhruigbooɛ- ˈmʋn jhi

ˈˈDhruigbooɛ ˈmʋn -muɛn -kɔndɩ ˈdhe ˈˈɲɩnsʋn ˈjɛʋn ˈdhi. (Ps 22:22) Ɲʋn -an ˈkpa -da dhueˈ -wɛeˈ -ʋa- ˈˈɲɩanˈ Zoova a, ʋa nɩɛn ˈmʋnan in ˈˈdhe ɔɔ pʋbʋ ˈˈniman- -ke. (Ps 65:4) Biiblʋcɩaʋn- -ʋa- jhia ˈˈdhruigbooɛ ˈmʋn jheejhee ɛ, ʋbʋ- -ʋaˈ ɲɔnsoadhɛ ɛ ˈˈdoo ɛɛ kuu i.

Ka -ˈye -manˈ biiblʋcɩaʋn sʋn bho po -wɛeˈ ʋʋ ˈye ˈˈdhruigbooɛ- ˈmʋn jhi -ɛ? Pʋbʋ ˈkpɩ jheejhee ʋʋ ˈye ˈˈdhruigbooɛ- ˈmʋn jhi. -Tɔɔn ʋbʋ video Dhɛ ɲʋn an mun nʋanˈ ˈdhe ˈBheɔglɔ ɔˈ ˈˈGbu ˈdhi -ɛ? Dhɩ ˈjɛɩn ɲʋn an ˈjhea ˈbho ˈˈdhruigbooɛ- ɛˈ ˈmʋn muanˈ an, ˈtmʋʋn- ʋbʋ. (lff ˈcɩaandhɛ- 10) Dhɛ dea -jeɛ- ˈˈkpe ˈdhe ˈˈdhruigbooɛ- ˈmʋn -aeˈˈ dhɩ -ɩanˈ dɩ ɲʋn an muan ˈtmʋn- ˈdhe ˈˈdhruigbooɛ- -ɛɛ jhia ˈmʋn ɛn, ˈtmʋʋn- ʋbʋ ɩanˈ dɩ dhɛ ˈˈzaan. -ˈˈƝɩn ʋbʋ ˈsɛɩ ɲʋn an muan ˈcɩan- ˈdhe ˈˈdhruigbooɛ- ˈmʋn. -ˈMɛn -tɔɔn ʋbʋ -ka ɲʋn an nʋan ɩanˈ ˈdhii ˈcɩan sʋn. Ɛgwɛ ʋa ˈbɔn ɲɔn ˈyʋbʋ jieˈˈ mun ˈˈdhruigbooɛ- ɛˈ dɩ. ˈKpɩ aˈ klɛɛ -man muan ˈe -po -wɛeˈ ɲɔn -nɩn -man ˈcɩan Biiblʋ ˈyea ˈˈdhruigbooɛ ˈmʋn jhi ˈse ˈˈjhai -nɩn in.​—1Co 14:24, 25.

-ˈJHE VIDEO NƆN IN PO BIIBLƲCƖAƲN-ˈKPƖ ƲƲ ˈYE ˈˈDHRUIGBOOƐ- ˈMƲN JHI, -ˈMƐN -ZA ˈE IDEEDƖ- NƖAN DA ˈZƆN DA:

• 

  Matɩ ˈyea Sonia ˈdha ˈdhe ˈˈdhruigbooɛ ˈmʋn ɛn, -kawɛ ʋn nʋn -ɛn?

• 

  Dhɛɛdɩ- -bho ɲɔn -nɩn -aa ˈcɩan Biiblʋ jhi ˈˈdhruigbooɛ ˈmʋn ɛ ˈbhle -aaˈ ˈmʋnan -an?

• 

  -Zɔn kɔan ɲan Sonia muan ˈˈdhruigbooɛ ˈmʋn ɛn, dhɛwɛ- ʋn de ˈˈjhriɛ ˈˈkpe -ɛ?