KLETIƐN ƐNˈ ˈKMƲN
Ʋa nʋɛn dhbho -duuˈˈ -aaˈ dɩ
Kpɔ ɔˈ ˈˈjhriɛbhoduʋn -e ʋaˈ ˈɲnʋnkpaeˈ a toɛˈ -ka ʋʋ kman ʋaˈ ˈdhoudhi -ˈˈwe aˈ dɩ ˈjɛɛn- ˈdhe ʋaˈ -pɛɛ ɛˈ klɛɛ ˈmʋn ɛn. -Ka -a nɩan ˈkamɔn- ʋʋ -nɩn, ʋʋ ˈbhleɛ ʋaˈ ˈbɔɔndhɩ-. -Zɔn -dhee -ˈnɔɔn ʋʋ ˈbhɛɛˈ ʋʋ ˈye sea, ʋʋ ˈye ˈkpɩi ˈmɛn, ʋʋ ˈbhɛɛˈ -ke ʋʋ ˈye ˈˈzru. (Jc 5:17) -Bho ɛ -nɩn -kaˈ -mɔnˈ -dhe ɛˈ, ˈdhoudhi -ˈˈwe ʋa deea ˈˈɩ ˈdhɔɔ ooˈˈ ˈdhɔɔ ɔ, ʋa pʋbʋ ˈkpɩ. Kpɔ ɔˈ ˈˈjhriɛbhoduʋn -nɩɛn- ɛnˈ -ka ˈjɛɛn- ɲʋn ˈyʋbʋ “ˈˈɩ ˈbhɛɛ- kpɛ ˈsɔɔn.”—1Tm 5:17.
-Da dhbhoi Pɔʋ ɔɔ poa dhɩ kpɔˈˈ ɔ ˈyea ˈdhoudhi -ˈˈwe nɩan Rɔmʋn ˈˈɩ dee- ˈnan mun ˈˈdhe ɔ ˈyea ɲɔnsoagbu- nɩan ˈe “ɲɔnsoadhɛ ɛˈ -baanˈ- ˈˈdhrui nʋn” ɛn, dhɛ ɔɔ ˈbɔan -dhe ɛ, ɛmɛn- -nɩn “ʋʋ ˈye bha ˈkpɩ po dhueˈ dhueˈ”. (Rm 1:11, 12) -Ka aʋ ˈyea aʋaˈ kpɔ ɔˈ ˈˈjhriɛbhodui -e ɔɔˈ ˈɲnɔn ˈkpɩ -po sʋn nʋn -bho ɔ ˈbhle ˈɲnɔn maʋn ɛnˈ, aʋ -naan ɛnˈ dɩ tɔˈ ˈˈkpei ˈmɛn?
-ˈJHE VIDEO NƆN IN KPƆ Ɔˈ ˈˈJHRIƐBHODUI- -ƆƆ JHIIA GWLƐ ˈDHII Ɔˈ ˈKMƲN, -ˈMƐN -ZA ˈE IDEEDƖ- NƖAN DA ˈZƆN DA:
-Kawɛ kpɔ ɔˈ ˈˈjhriɛbhoduʋn -e ʋaˈ ˈɲnʋnkpaeˈ a nʋɛn ɛnˈ -to sʋn -ka ʋʋ kman ʋaˈ ˈdhoudhi -ˈˈwe aˈ dɩ ˈdhe ʋaˈ -pɛɛ ɛˈ klɛɛ ˈmʋn -ɛn?
ˈJɛɛn- -wɛ ʋʋ nʋn ʋn ˈˈdhrui -ɛ?
-Kawɛ -a ˈbhɛɛ -a ˈyʋbʋ ˈkpɩ po -ɛ?