Dhɛwɛ- Ɲɔnsoa aˈ ˈBheɔglɔ ɔ mun -nʋn ˈdhe tʋ aˈ dɩ ˈdhi -ɛ?

Tʋ a nʋɛnˈ ɲʋn an yea sea da ˈbhlʋa aˈ klɛɛ ˈˈkpe. -Ŋmʋn dɩ ɲʋn ˈtmʋan da jha:

• “Tʋ ˈkpa ˈdhe Etiopi -e Iklɛnɩn ɛnˈ, ɲʋn -ˈmɛan ˈdhemɔn ʋʋ -zii ɲʋn tʋ dhbhaˈ ˈdhe zɩn anˈ 28 ˈbhɔɔa ˈbho ˈdhi ˈmɛn.”—L’Institut de recherche sur la paix d’Oslo, 7 Juin 2023.

• “Tʋ nɩan -vɔɔɛn -nanˈ ˈdhe Iklɛnɩn ɛn, ʋn -nɩɛn- ˈe tʋ zia jieˈˈ ˈdhe 2022 ˈˈklun ˈmɛn -ke. ˈBho -ˈmɛn ˈdhe ɛ, ˈˈkudhbha- poitikɩ za ˈˈbhlo ˈnɔn -zʋn ˈbhɔɔa ˈbho ˈdhi ˈkpa ˈbhlʋa aˈ ˈfɔ klaaˈˈ i. Ɲʋn ɛ ˈkpa i ɛ, ʋʋ -nɩɛn- ɲʋn anˈ mlia dhueˈ dhɛ -nɩn ˈo ˈˈkpe.”— The Armed Conflict Location & Event Data Project (ACLED), 2023 Zivʋɔcʋ- 8

Biiblʋ a ˈˈɲɩɛnˈˈ ɲʋn -pɛɛɩtbhadhɛ-. Ʋn ˈnaan: ‘Ɲɔnsoa a muɛn ˈBheɔglɔ- -dhueˈ ˈˈdu-, ɔɔˈ ˈsʋ ˈye ɲʋn ˈbhle jheejhee.’ (Daniel 2:44) ˈDhe ɔɔˈ ˈBheɔglɔ- -aeˈˈ ɲʋnbhleɛ- ˈzɔn ɔn, Ɲɔnsoa a muɛn ‘tʋ i -za da ˈbhlʋa aˈ klɛɛ ˈˈkpe’.”—Psaume 46:9.